بابه‌ت: زیاتر له 40 کورته نامه
ته‌مه‌ن هیوایه دووری وه‌فایه
ژینی بێ سنور لام بێ مانایه
.....................................
تۆ حه‌ز ده‌که‌یت باخچه‌یه بیت پڕ بی له گوڵی په‌مه‌یی کاڵ
من حه‌ز ئه‌که‌م مۆمێك بم دامگیرسێنی بۆ سه‌ری ساڵ
.................................................. .......................
تۆ ئه‌و گوڵه‌ی تا ماوم له بیرم ناچی
خۆ گوڵ زۆره به‌ڵام تۆ له هیچیان ناچی
.................................................
هه‌تاکوو که‌ی وانه‌کانم پڕ خه‌یاڵی چاوی تۆ بێ
ته‌خته ڕه‌شی پۆله‌که‌شم هه‌ر ئه‌لف و بێی ناوی تۆ بێ
.................................................. ..................
هه‌موو شتێك قابیل نه‌مانه
ته‌نها یادگاری هاوڕێی ژیانه
.....................................
هه‌ست به دووری تۆ ده‌که‌م باڵدارێکم به بێ لانه
که من هه‌رگیز به تۆ نه‌گه‌م ئیتر بۆ نه‌بمه دێوانه
.................................................. ...........
هه‌رچه‌نده له‌شم له سه‌ر دڵ به‌نده
که تۆی تیا نه‌بێ دڵ نرخی چه‌نده
.........................................
هه‌ر چاکه بکه له دونیای ڕۆشن
چونکه ئه‌مریت و به خاك ئه‌تپۆشن
............................................
هه‌تا بمێنێ په‌نجه‌ی نوسینم
له یادت ناکه‌م هاوڕێی شیرینم
......................................
هه‌زار ساڵ بژیت هه‌ر ئه‌بێ بمری
باشتر ئه‌وه‌یه ڕێگه‌ی ڕاست بگری
...........................................
هه‌رکێ له‌م دونیا خۆشی نه‌بینێ
بێ شك له‌و دونیا باشتر نایبینێ
.........................................
هه‌موو ته‌مه‌نم ئه‌ده‌م به تۆ خۆم له ژیان بێبه‌ش ئه‌که‌م
به بێ دڵیش دائه‌نیشم دڵی خۆمت پێشکه‌ش ئه‌که‌م
.................................................. ....................
هه‌ر گوڵێکت بۆن کردبێ من چه‌پکێکم لێ چنیوه
هه‌ر ووشه‌یه‌ك تۆ ووتوته هه‌زار هۆنراوه‌م پێ نوسیوه
هه‌ر ڕۆژێکیش نه‌مبینیوی مه‌رگی خۆمم به چاو دیوه
.................................................. ..................
هه‌ر فرمێسکی چاوی تۆیه گوڵزاری ئه‌شقم ئاو ده‌دات
هه‌ر خه‌نده‌ی سه‌ر لێوی تۆیه خه‌یاڵم ئه‌هێنێت بۆ لات
.................................................. ..................
هێنده‌ی گه‌ردون بیرت ئه‌که‌م تاکه‌ی دڵم چاوه‌ڕێت بێ
دایم ده‌ستم به دوئایه خواش وه‌ك دڵم ئاگای لێت بێ
.................................................. .................
هه‌رچی جارێ که ئه‌تبینم دڵم بۆت شێت و شه‌یدایه
دوو دڵ مه‌به تاکوو مردن خۆشه‌ویستیت له دڵمایه
.................................................. ...............
هه‌ر بۆ دووری چاوی تۆیه خه‌ڵکی من به شێت ناو ده‌بات
هه‌ر بۆ خۆشه‌ویستی تۆیه ژینم پڕه له به‌سه‌رهات
.................................................. ........................
هه‌موو شه‌وێك بۆ یادێکت میوانداری خه‌مێك ده‌که‌م
زۆر ئه‌ترسم لێره بمرم بۆ ساتێکیش به تۆ نه‌گه‌م
.................................................. ..............
خۆشه‌ویستیت ده‌رمانێکه بۆ سارێژی زامه‌کانم
خوێنی دڵت قه‌ڵه‌مێکه بۆ نوسینی نامه‌کانم
چاوه‌کانت سه‌بوری یه بۆ بوونی ژیانم
.................................................
خۆشه‌ویسته‌که‌م ئه‌وه‌نده جوانه
نمونه‌ی به‌رزی ده‌ستی یه‌زدانه
........................................
خۆزگه یار ئه‌بوو به خاوه‌ن قه‌رز لێم
له هه‌موو شوێنێك ئه‌هاته سه‌ر ڕێم
..............................................
خۆزگه ده‌مزانی به دواڕۆژی خۆم
به ئاوات ئه‌گه‌م یاخوود ڕه‌نجه‌ڕۆم
...........................................
خۆشم ئه‌وێیت به قه‌د جوانیت
باشتر له‌وه‌ی خۆت ده‌زانیت
....................................
خۆزگه من و تۆ برژانگ و ئه‌م دونیایه‌ش چاوی بوایه
له گه‌ڵ هه‌موو تروکانێکدا من و تۆش له یه‌کمان بایه
.................................................. ..................
خۆزگه خۆشه‌ویستی تۆ گوڵێك بوایه
به فرمێسك و خوێن ئاوم بدایه
........................................
خۆشه‌ویستی ڕاسته‌قینه سه‌رچاوه‌ی ئازار و ناڕه‌حه‌تی یه
ئه‌وه‌ی له ئازار بترسێ شایه‌نی خۆشه‌ویستی نی یه
.................................................. ................
خۆشه‌ویستیت به‌هارێکه هه‌زار گوڵی خۆزگه‌ی تیایه
تۆ ئێستاکه هه‌ناسه‌می بێ تۆ ناژیم له‌م دونیایه
.................................................. .........
خۆزگه‌م به‌و پیره‌ی که دڵی شاده
نه وه‌ك به‌و گه‌نجه‌ی که ناموراده
...........................................
خه‌می من خه‌می ئاشقێك نی یه خۆشه‌ویسته‌که‌ی لێی تۆرا بێ
خه‌می من خه‌می باڵنده‌یه‌ك نی یه هێلانه‌که‌ی لێ تێك درا بێ
خه‌می من بۆ که‌سێکه دڵم ناتوانێ لێی بێ ئاگا بێ
.................................................. ..............
من و ئه‌شق گه‌ڵای خه‌زانین
که‌چی هه‌ردوکمان پێکه‌وه جوانین
.............................................
من و یاره‌که‌م یه‌ك دڵ و گیانین
له خۆشی و خه‌می یه‌کتر ئه‌زانین
.............................................
من دوور و تۆ دوور به‌ینێ ببه‌ستین
به فرمێسکی چاو جۆگه هه‌ڵبه‌ستین
................................................
من ئاسمانی هیوای تۆ بووم تۆش ئه‌ستێره‌ی حه‌ز و تاسه‌م
بۆ کام ڕێگا ملی ڕێت گرت ته‌نیاییت کرد به پێناسه‌م
.................................................. ................
من و که‌رکوك ناسنامه‌مان له یه‌ك ئه‌چێ
ئه‌و دیکتاتۆر داگیری کرد منیش کچێ
.................................................
سڵاو بۆ ئه‌و که‌سه‌ی له ناخمدا قه‌ت وون نابێ
بۆ ئه‌و گوڵه‌ی له باخمدا قه‌ت ووشك نابێ
.................................................. ..
سڵاو له باڵآت له جوانی چاوت
له گه‌ڵ هه‌ناسه ئه‌هێنم ناوت
....................................
سه‌د ووڵات له من دوور بیت بڕوا ناکه‌م له بیرم بچی
چونکه که‌سێکی به وه‌فای هێنده‌ی چاوم خۆشه‌ویستی
.................................................. ....................
سۆزت پاکه جوانیت تاکه
ئه‌وه‌ی خۆشه‌ویستی تۆم بیر بباته‌وه ته‌نها خاکه
.................................................. ...........
چیت بۆ بنوسم تا مردن لات میوان بێت
ته‌نها دڵم به دی ئه‌که‌م وه‌کوو تۆ جوان بێت
.................................................. .....
جل کوردی و پانتۆڵ له دوو که‌س جوانه
یه‌که‌م باڵا به‌رز دووه‌م تاقانه
.....................................
چه‌پکێ گوڵت بۆ ده‌نێرم ناسك تر بێ له هه‌ستی خۆت
ئه‌گه‌ر ئه‌مجاره‌یان ویستت دڵی خۆشم ئه‌نێرم بۆت
.................................................. .............
چۆن ماڵئاواییت لێ بکه‌م که من گه‌روم پڕ گریانه
هێنده‌ی دونیا خۆشم ویستی چی پاساوی دابڕانه
.................................................. ..........
جه‌ژن و سه‌ری ساڵت پیرۆز به ئومێدی ساڵێکی خۆش
من ئاسوده‌م که تۆم هه‌یه و ئاسوده بێ ژیانی تۆش
.................................................. ...............
جوانی چاوت به چی جۆرێ پێناسه‌که‌م
به کام هۆنراوه پێت بڵێم خۆشم ئه‌وێی هه‌ناسه‌که‌م
.................................................. ...............
نامه ده‌نوسم له ئێسکی ماسی
خۆزگه‌م به‌و ڕۆژه‌ی یه‌کترمان ناسی
...............................................
وه‌ك بولبولی به‌ندی قه‌فه‌س هه‌ر به ته‌نها ده‌ناڵێنم
هه‌رچه‌نده یادی تۆ ده‌که‌م گوڵی فرمێسك ده‌بارێنم
.................................................. .............
شه‌یدای که‌سێ مه‌به که شه‌یدات نه‌بێ
بۆ که‌سێ مه‌گری که وه‌فای نه‌بێ
..........................................
خۆشه‌ویستیت له ناو دڵما چرایه‌کی داگیرساوه
ترسم نی یه له شه‌وی تار ڕێگای ڕونم له به‌ر چاوه
.................................................. ................
هاوڕێیه‌تی شارێکه ناچیته ناوییه‌وه
ئه‌گه‌ر ڕوخسه‌تی وه‌فاداریت پێ نه‌بێ
...............................................
ئه‌شقت بۆته جامێ مه‌ی هه‌موو شه‌وێ ده‌یخۆمه‌وه
کاتێك ته‌واو مه‌ستم ده‌کا نامه‌کانت ده‌خوێنمه‌وه
.................................................. .....
پێنوس بنوسه گشت خه‌می دڵم
ئه‌مڕۆ له گه‌ڵتام سبه‌ی له گڵم
......................................
یارێکم ئه‌وێ که بمخاته یاد
ئه‌و بێ به شیرین منیش به فه‌رهاد
.............................................
خۆشه‌ویستی...نه مۆمه بتوێته‌وه
نه چرایه بکوژێته‌وه
..............................................
یه‌ك دڵم هه‌یه ئه‌به‌خشم به تۆ
ئومێده‌وارم نه‌مکه‌ی ڕه‌جه‌ڕۆ
......................................
یادگاریم باشتره له گوڵ
گوڵ هه‌ڵده‌وه‌رێ و ده‌چێته ژێر گڵ
..........................................
یادگارێکانم کاتێ ئه‌خوێنن
وه‌ها بزانن که من ئه‌دوێنن
...................................
که دڵ کوێر بێت ڕۆژی ڕوناك شه‌وی تاره
گه‌ر{پشیله}حاکم بێت{مشك}هه‌موو کات تاوانباره
.................................................. .............
با لات بمێنێ وێنه‌ی شێواوم
جار جار یادم که نه‌مردوم ماوم
......................................
ئاوی کوردستان سه‌هۆڵی ناوێ
بمرێ ئه‌و که‌سه‌ی یارمی خۆش ناوێ
..................................................
هیوادارم به دڵتان بێت له که‌م و کوڕیم ببورن
هه‌ر ڕه‌خنه‌و پێشنیارێکیشتان هه‌بوو به خۆشحاڵیه‌وه وه‌ری ده‌گرم
--------------------------------------------------------kurdzhin------------------------
تا لە ژیـــــــان بم بـــــە دڵ لە ڵاتــــــم.....
كـــە لە ژیان نەمــــــام بێ دەســــتەڵاتــــم
پێت ناڵێم گوڵم چونکه گوڵ ماوه‌ی که‌مه
پێت ناڵێم چاوم چونکه چاوم بۆ تۆ که‌مه
پێت ئه‌ڵێم ئه‌و که‌سه‌ی له دنیادا وێنه‌ت که‌مه
