بابه‌ت: له غــــــــوربه‌تا... به‌شی پێنج
[size=16]وێنه‌ی دوو دڵ و تیرێكمان هه‌ڵكه‌ند
له‌سه‌ر قه‌دی ئه‌و دار ئه‌رخه‌وانه
توخوا تۆ بڵێی ئه‌و داره مابێ؟..
یان ئه‌ویش سوتوی سه‌ر گۆڕه‌كه‌مانه!
له ئێوارانا.. ئای ڕه‌نگه ئێستا ..
له‌سه‌ر بنچكه‌كه‌ی قه‌له ڕه‌شكه‌یه‌ك
هه‌ڵكورمێ و چاوی برژێنێ سیحری..
ڕق و نه‌گبه‌یتی و فیتنه‌و گه‌شكه‌یه‌ك!
ئێواره‌یه‌كی پرته‌قاڵی یه ..
دونیای ڕوانینم نوقمی بارانه
دڵ به كه‌ناری ئاوابونه‌وه..
خوێنی لێ ئه‌تكێ.. كه‌یلی گریانه..
له دنیای دڵی سیاپۆشمه‌وه..
چاو خافڵ ناكه‌م قه‌ت له‌و هه‌ورانه
هه‌ور ته‌مه‌نی ئه‌داته باران ..
باران هه‌ناسه‌ی به‌و جۆگه‌لانه
جۆگه‌له عومری ئه‌به‌خشێته چه‌م ..
چه‌م به ڕووبار و ڕووبار به ده‌ریا
ده‌ریاش دڵی له مشتی خۆرایه‌و
نهێنی باران وا له‌ژێر سه‌ریا [/size]
. محمد عمر عوسمان (ژه‌نه‌ڕاڵی پاییز)
.
درێژه‌ی هه‌یه
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
..