بابه‌ت: له غــــــــــوربه‌تا... به‌شی حه‌وته‌م
له غوربه‌تا ..... به‌شی حه‌وته‌م
[size=16]داد بۆ خوا ئه‌به‌م.. نه‌هێڵێ بمرم..
تـــــــــا خامه‌م ژانــــم ئه‌هۆنێته‌وه
وه‌کو چــۆن ساڵان به‌تاڵی سپی..
یــــــــــــادی له قژما ئه‌نوسێته‌وه
*
مردن لێم گه‌ڕێ.. ئه‌مشه‌و خۆم ئه‌مرم..
تـــــــــــــــا شیعرێ بێنمه بوون و ژینه‌وه
لــــــــــه سه‌رابێکام.. خوێنم ئه‌سوتێ..
به سۆزی تاڤگه و چــــــــه‌می شینه‌وه
*
مردن پێم ئــــــــــــه‌ڵێ: تۆ ته‌واو شێتی..
وشه جێ‌ی ژانتی تیـــــــا نــــــــــابێته‌وه
سه‌رخه سه‌ر سنگم.. چاوانت لێک نێ..
کـــــــــــــــه‌س نیه فرمێسک بخوێنێته‌وه
*
كـــــوا شیعرێ ژانی من بگرێته خۆی؟
شینم پێ بکــــــــــــه‌نێ به‌ده‌متانه‌وه
فرمێسکم سه‌رکـا (تانجه‌رۆ)یه‌ک بێ..
بڕژێته گــــــــــــــــــــۆمی ویژدانتانه‌وه
*
ئاخ.. بۆ تانجه‌رۆش.. تانجه‌رۆی جاران..
تـــــــۆ بڵێ‌ی چاوم پێی ڕوون بێته‌وه؟
تــــــــــۆ بڵێ‌ی قژی ماش و برنجیم..
بـــــــــــــــه دیدارێکی ڕه‌ش ببێته‌وه؟
*
بیرمه مناڵ بووم لــــــه‌گه‌ڵ باوکما..
لــــــــــه ته‌نیشت پرده ڕوخاوه‌که‌وه
قولاپی ماسی گـرتن له ده‌ستما و
قـــــاچم ئه‌خسته نـــــــاو ئاوه‌که‌وه
*
ئـــــــــــــــــای به مناڵیی.. به نوکی قولاپ..
چه‌ند کۆرپه‌ماسی ناو تانجه‌رۆم کـــــــوشت؟
ماسیه‌کی نـــــــــــــاو گــــــــۆمی ته‌نیاییم..
ده‌رگای مه‌رگ له خۆم که‌وتۆته سه‌ر پشت
*
من پرسه‌یه‌کم.. هیچ کــه‌س نامبینێ..
بێت و دانیشێ و فڕکا قـــــــــــــاوه‌یه‌ک
وردبێته‌وه لــــــــــــــــــه ده‌ریای ناڵینم..
بگری بــــۆ مه‌رگی چه‌ند سه‌رچاوه‌یه‌ک[/size].
.
. محمد عمر عوسمان (ژه‌نه‌ڕاڵی پاییز)
.
.
درێژه‌ی هه‌یه ....
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
