بابه‌ت: له غــــــــوربه‌تا... به‌شی شه‌ش
[size=16]دڵۆپی باران چه‌ندی سه‌وز ئه‌بێ و
لـــــــــه غه‌ریبیی‌یا سه‌ر ئه‌نێته‌وه؟
چه‌ندی لــه له‌پی ده‌ستی ونبوونا..
ئه‌مرێ و کــه‌س ته‌رمی نابینێته‌وه!
*
دڵــــــــۆپی باران ته‌رمی مردووه..
یان مناڵێکه گڕوگاڵ ئه‌کــــــــــــــا؟
ڕێژنه و ڕه‌هێڵه‌گـــــــــه‌رمه‌قاقایه..
یان گریانێکه ما‌ڵه‌وماڵ ئه‌کـــــــــا؟
*
ئێواره‌یه‌کی مـــــــات و غه‌مناکه..
ڕوانینه‌کانمی تیـــــــا سه‌رگه‌ردانه
جارجار هه‌وره‌کان ئه‌بنه په‌نجه‌ره..
زه‌رده‌په‌ڕ ئه‌دا لــــــــه ڕووی وێرانه
*
ئۆقره و ئیلهامم دارێکــــــی وشکه..
نوقمی کزه‌بای بــــــــــێ ئارامیی‌یه
سه‌گ وه‌ڕی تاو تاو.. گرمه‌ی گه‌واڵه..
مۆسیقای دڵـــه‌ی پڕ سه‌رسامیی‌یە
*
ئــای.. چۆن به‌م هه‌موو ژانه‌وه ئه‌ژیم
که دڵــــــــــم لانه‌ی دوپشک و ماره؟
به شێوه زیندووم.. مردووم لـــه ناخا..
تۆ بڵێ‌ی مـــردن ببێته چـــــــــــــاره؟
*
بێ ئه‌وه‌ی کـــه‌سێ منی ناسیبێ..
سته‌مه لاشه‌م بچێته ژێـــــــــــر گڵ
ئاخ.. خۆزگه له ژێر کوختی شیعرێکا..
ئارامی ئه‌گــــــــرت گـــه‌رده‌لولی دڵ[/size].
. محمد عمر عوسمان (ژه‌نه‌ڕاڵی پاییز)
.
درێژه‌ی هه‌یه ...
له‌م شیعره به‌دواوه به هاوكاری ڤینۆس خان ئه‌نوسیرێته‌وه، زۆر سوپاسی ئه‌كه‌م .
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
