بابه‌ت: له غوربه‌تا به‌شی هه‌شت
[size=16]ده‌ریای ناڵینم گۆڕستانێکه..
ئارامگای سه‌دان چه‌می سه‌ربڕاو
چه‌م قه‌ت سه‌رچاوه نابینێته‌وه..
به‌فری خۆزگه‌شم ڕۆیی بوو به‌ئاو
*
به سۆز و یادی هه‌واری باڵای..
زستانی پار بوو.. له ڕێبه‌ندانا
به‌فری به‌رده‌رگام کرد به په‌یکه‌رێ..
تا ته‌زوی ئۆخه‌ی بێنێ به‌گیانا
*
نه‌ک ئۆخه‌ی هه‌ر ده‌م.. بۆ تاقه ساتێ..
به‌فرینه کچێ.. به‌فری ساردوسڕ
شێوه‌ی بنوێنێ و هه‌ناسه‌ی ئۆخه‌ی..
ده‌ماره‌کانم پڕ بکا له گڕ
*
شه‌و (با) هه‌ڵکات و بیبه‌ستێ په‌یکه‌ر..
تاکو یه‌ک دوو ڕۆژ.. بمێنێته‌وه
به‌رله‌وه‌ی خۆر چنگ له سینه‌ی گیرکا..
عومری جوانیی لێ بسێنێته‌وه
*
شه‌و نوستم.. سبه‌ی.. کاتی چێشته‌نگاو..
بوو بوو به هه‌ڵم په‌یکه‌ری باڵای
له‌و ڕۆژه‌وه من له تیشکی ڕۆژا..
وێڵم بۆ ورشه و پرشه‌ی نێو نیگای
*
جوانیی ته‌مه‌ن کورت.. عه‌شقێک ئه‌به‌دیی..
بۆ زه‌رده‌په‌ڕێ له ئاوابوونا
وانه‌ی مه‌شقێکی بێ کۆتایی‌یه..
له جوان په‌رستیی دڵه‌ی زه‌بوونا
*
ئۆف دنیای جوانییش.. مۆمی کوژاوه‌م..
خۆی تیا ئه‌نوێنێ.. دیمه‌نێکی په‌ست
سیمای په‌پووله‌ی هه‌ڵقرچاوی شه‌و..
له ته‌ماشاما.. گریانێکه خه‌ست[/size]
.
. محمد عمر عوسمان
درێژه‌ی هه‌یه....
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
