بابه‌ت: وەڵامێک بۆ سەرهەنگ موحسین
[center][size=16]سڵاو ئەم کاتەتان باش هیوام وایە هەموولایەکتان هەر شاد بن
ئەم هۆنراوەیە بو بەمایەی ئەوەی چەند شیحرۆچکەیەکی لێ بکەوێتەوە ... هیوم وایە کاک سەرهەنگیش بەدڵێکی فراوان وەری بگرێت و تەنها بۆ خۆشی نوسیومە ....
من سەرەتا شیعرێکم نوسی بە ناوی چی بکەم
چــــــــی بـــــــکـــــه‌م
چی بكەم هەتا دڵ بتوانێ بەوجۆرە یادی تۆنەكا
چی بكەم كە بۆیادەكانت هێندە شین و زاری نەكا
چی بكەم كە دڵ ئاسودەبێ و هێند بیرلەتۆ نەكاتەوە
چی بكەم كە بەتۆشادمكا یان تۆم لەبیر بباتەوە
چی بكەم كە بەهاری دڵم دەرگا لە گوڵ بكاتەوە
چی بكەم تا بارانی چاوم بۆ ساتێ خۆش بكاتەوە
چی بكەم هەتا شەوی تارم بەو جۆرە ڕێنەكاو بڕوا
چی بكەم تا عومری شیرینم ئەوەندە بەهەدەر نەڕوا
چی بكەم تاكو یادەكانت ساتێ خەیاڵم جێ بێڵێ
چی بكەم هەتا خەم و مەینەت هێندە سینەم بۆ نەكێڵێ
چی بكەم خەندەی لێوەكانم بگەڕێتەوە وەك جاران
چی بكەم تادڵ نەناڵێنێ وەكو پیری دەردەداران
چی بكەم تا چیایی ناسۆری لەبن دەربێنم سەرتاسەر
چی بكەم درەختی تەنیایی لە ژیانم بێنمە دەر
چی بكەم كە خەوی شەوانم دوبارە ڕوم تێ كاتەوە
چی بكەم تا خۆری ژیانم دیسان دڵ ڕۆشن كاتەوە
چی بكەم لە پێش ئەوەی بمرم جارێكی تر تۆ ببینم
چی بكەم تا لەگەڵ تۆدابم هەتا كۆتایی دێ ژینم
چی بكەم و چۆن بتوانم پرسیاری گۆڕ جواب بەمەوە
چی بكەم لەوێش ناتوانم كە لەخۆمت جیا كەمەوە .
سامان سه‌نگاوی
:::::::::::::::::::::::::::::::::::::::::::::::::::::::::::::::::::::::::::::::
پاشان کاک سەرهەنگ بەم شێوەیە وەڵامی داوەتەوە
ئه‌م شیعره، وه‌ڵامێكه بۆ بابه‌ته‌كه‌ی ئه‌ندام ئازیزی YSM21.net مه‌ریه‌م خان، بابه‌ته‌كه‌ی به‌ناوی: چی بكه‌م؟ بڵاو كردۆته‌وه.
(ده‌زانی چی بكه)
بۆ خۆ جیاكردنه‌وه‌ی
ئه‌به‌دی
له هیچ شتێكی
من مه‌نۆڕه،
تێكه‌ڵ به‌خوێنمی،
بمبه فریاكه‌وتن* و
خوێنه‌كه‌م بگۆڕه
بۆ جیابوونه‌وه‌مان
ده‌زانی چی بكه:
شریتی ته‌مه‌ن بگه‌ڕێنه‌وه
دووباره ناوم
له گۆگڵ سێرچ مه‌كه،
كه كردیشت
ته‌نانه‌ت ناونیشانی پێگه‌كه‌شم**
مه‌خوێنه‌وه!
بۆ ئه‌وه‌ی
لێم جیا ببیته‌وه،
ئه‌و شوێنانه‌ی
یادگاریمان لێی هه‌یه
بیڕوخێنه،
واته هه‌موو كوردستان!
بۆ ئه‌مه‌شیان هێزی ڕه‌شه‌با،
لافاو و بومه‌له‌رزه
به‌ده‌ست بێنه
ئه‌گه‌ر به هیچ ڕێگه‌یێ
نه‌تتوانی
له‌من جیاببیته‌وه،
به دنیایه‌ك داوای لێبوردن
خۆت ساز بده،
مۆبایله‌كه‌م كردیته‌وه!
سه‌رهه‌نگ موحسین
17\04\2010، هه‌ولێر.
_____________________
پاشان منیش بەم شێوەیە وەڵامم بۆ وتەکانی بەڕێز سەرهەنگ موحسین نوسیوە و چاوەڕوانی وەڵامی ئەوم ...
من بەوەفام
ئەگەر کەسێ لە بیر بکەی هەرگیز وەفات بۆخۆت نیە
ڕەنگە بۆ ژیان دڵت بێ بەڵام هیچ هەستێکی نیە
من هەرکەسێ لە دڵمابێت زۆر ئەستەم دێتە دەرەوە
چی بکەم دڵم بەوەفایەوە بێ وەفایی ناڵێمەوە
بەهیچ کەس ناڵێم بێ وەفا تاکو کەس لەبیرم نەکا
تۆش بۆخۆت شیعرێ بنوسە کەڕەنگی لە شیعر بکا
من ئەڵێم چی بکەم ناتوانم کەتۆم لەبیر بچێتەوە
تۆ جێ ژوانیش ئەڕوخێنی و یادەکان ئەسڕیتەوە
ئەوینی من لەدڵدایە و وەکو خوێنە بۆژیانم
تۆ ئەوینت بۆخۆت نیەو ئەڵێ بیگۆڕە ژیانم
من ئەڵێم هەموو ژینم تۆی قەت لەبیرم مەبەرەوە
تۆئەڵێی لەیادم بکە و پێگەکەشم مەکەەوە
من بە تەنها شوێنی ژوانت سەبوری ئەدات بەدڵم
تۆشار بەیار ئەڕوخێنی و پێی ئەڵێ لێم دوربە گوڵم
بۆ بەخۆت ئەڵێ ئەویندار کەهێند وەفات بۆ یار نیە
بڕواناکەم بەم شێوەبی گەر وابی تۆ هەستت نیە
یادگاری هەرچەندە تاڵ بێت هەرگیز کۆتایی پێ نایە
ئەمە وەڵامی منە بۆت تۆش وەڵامت بێنە کایە
سامان سەنگاوی
وەڵامێک بۆ کاک سەرهەنگ موحسین [/size][/center]
بێ له‌تۆ که‌سێ ناتوانێ ده‌رگای دڵم بکاته‌وه ..... سامان سه‌نگاوی
به‌هیوای سه‌ركه‌ووتن بۆ هه‌ردوو شاعیره‌كه‌مان.:).
