بابه‌ت: شكستی هه‌ڵبژارده ئاسیاییه‌كان به‌رده‌وامه
دۆڕاندنی هه‌ڵبژارده ئاسیاییه‌كانی به‌شداربووی پاڵه‌وانێتی جامی جیهانی به‌رده‌وامه‌و ژاپۆنیه‌كانیش توشی شكست هاتن.
له میانه‌ی كێبركێكانی نۆیه‌م رۆژی مۆندیالداو له چوارچێوه‌ی یاریه‌كانه‌ی جه‌وله‌ی دوه‌می كۆمه‌ڵه‌ی پێنجه‌م هه‌ردو هه‌ڵبژارده‌ی هۆڵه‌نداو ژاپۆن له یاریگای مۆزیس مابیدا به ئاماده‌بونی 62010 هانده‌ر روبه‌ڕوی یه‌كبونه‌وه.
ئه‌نجامی یاریه‌كه به گۆڵێكی وێسلی شنایده‌ر كه له خوله‌كی 53 دا تۆماری كرد له به‌رژه‌وه‌ندی هۆڵه‌ندیه‌كان كۆتایی پێهات و سه‌ره‌نجامیش ژاپۆنیه‌كانیش وه‌ك سێ هه‌ڵبژارده‌كه‌ی تری كیشوه‌ری ئاسیا توشی شكست هاتن.
جێی بیرهێنانه‌وه‌یه له كیشوه‌ری ئاسیا هه‌ڵبژارده‌كانی (ئوسترالیا – ژاپۆن – كۆریای باشو – كۆریای باكور) سه‌ركه‌وتون بۆ دوا یاریه‌كانی جامی جیهانی و تا ئێستاش هه‌ر چوار هه‌ڵبژارده‌كه یه‌كی یاریه‌كیان له‌و پاڵه‌وانێتیه‌دا دۆڕاندوه.
