- هه‌ڵبژارده‌ی ئه‌ڵمانیا توانی به‌ پله‌ی یه‌كه‌م سه‌ربكه‌وێت بۆ قۆناغی 16 دوای سه‌ركه‌وتنی به‌سه‌ر هه‌ڵبژارده‌ی گانی به‌ ئه‌نجامی گۆڵێكی بێ به‌رامبه‌ر.

له‌ میانه‌ی یارییه‌كانی جه‌وله‌ی سێیه‌می یارییه‌كانی كۆمه‌ڵه‌ی چواره‌م وه‌ له‌سه‌ر یاریگای سۆكێر سیتی له‌ شاری جۆهانسبۆرگ به‌ ناوبژیوانیه‌تی به‌ڕازیلی كاڕلۆس سیمۆن هه‌ڵبژارده‌ی مانشافت توانی سه‌ركه‌وتنێكی گرنگ به‌ده‌ست بهێنێت به‌سه‌ر بلاك ستارز و پله‌ی یه‌كه‌می كۆمه‌ڵه‌كه‌ی مسۆگه‌ر كرد.

تاكه‌ گۆڵی هه‌ڵبژارده‌ی ئه‌ڵمانی له‌ ڕێگه‌ی ئه‌ستێره‌ی لاوی به‌ ڕه‌گه‌ز توركی مه‌سعود ئۆزێل له‌ خووله‌كی 60ـی گێمی دووه‌م تۆمار كرا له‌ ڕێگه‌ی لێدانێكی به‌هێز له‌ ده‌ره‌وه‌ی هێڵی سزا.

هه‌ڵبژارده‌ی ئه‌ڵمانی دوای ئه‌وه‌ی له‌ یاری ڕابردوو تووشی دۆڕانێكی چاوه‌ڕوان نه‌كراو هات له‌سه‌ر ده‌ستی هه‌ڵبژارده‌ی سربی كاتێك به‌ ئه‌نجامی 1-0 شكستی هێنا،توانی له‌ ڕێگه‌ی ئه‌م یارییه‌ خۆی له‌گه‌ڵ هانده‌رانی ئاشت بكاته‌وه‌.

به‌و ئه‌نجامه‌ هه‌ڵبژارده‌ی ئه‌ڵمانی كۆی خاڵه‌كانی به‌رز كرده‌وه‌ بۆ شه‌ش خاڵ له‌ پله‌ی یه‌كه‌م كه‌چی هه‌ڵبژارده‌ی گانی توانی به‌ جیاوازی گۆڵ پله‌ی دووه‌م به‌ده‌ست بهێنێت و شان به‌ شانی مانشافت سه‌ربكه‌وێت بۆ قۆناغی 16.

هه‌ڵبژارده‌ی ئه‌ڵمانی له‌ قۆناغی داهاتوو ڕووبه‌ڕووی هه‌ڵبژارده‌ی ئینگلیزی ده‌بێته‌وه‌ وه‌ هه‌ڵبژارده‌ی گانی به‌رامبه‌ر وولایه‌ته‌

yaiga