كۆمپانیایه‌كى ئیسپانى بازرگانى تایبه‌ت به‌ كانزا گرانبه‌هاكان ،به‌ پێى هه‌واڵێكى ئاژانسى رۆیته‌رز، گه‌وره‌ترین " لیره‌ى زێرى" جیهانى به‌ به‌هاى سێ ملیون و27 هه‌زار یۆرۆ كه‌ به‌رانبه‌ر به‌ 4 ملیون و2 هه‌زار دۆڵارى ئه‌مه‌ریكى كرییه‌وه‌. كارى فرۆشتنى ئه‌و لیره‌ زێره‌ له‌ كارێكى مه‌زادكردن له‌ شارى ڤیه‌نا له‌ وڵاتى نه‌مسا ئه‌نجام درا. جێ ئاماژه‌ پێدانه‌ كێشى ئه‌و لیره‌ زێره‌ 100 كیلۆگرامه‌ و هه‌روه‌ها ئه‌و " لیره‌ زێره‌ " له‌ لایه‌ن زاخاوخانه‌یه‌كى زێر له‌ وڵاتى كه‌نه‌دا دروستكراوه‌. پێشنیارى مه‌زادكردنى ئه‌و " لیره‌ زێره‌ " له‌ رێگاى گروپى سه‌رمایه‌گوزارى ئۆسترالى ئه‌نجام درا. جێ ئاماژه‌ پێدانه‌ چێوه‌ى ئه‌و " لیره‌ زێره‌ " 53 سانتیمه‌تروهه‌روه‌ها ئه‌ستورییه‌كه‌شى 3 سانتمه‌تره‌ و 99% له‌ زێرى ساف دروستكراوه‌.ئێستا ئه‌و " لیره‌ زێره‌ " پێوانه‌ى گه‌وره‌ترین " لێره‌ى زێرى " جیهانى له‌ ناو ماڵپه‌رى گینس دا به‌ ناوى خۆى تۆماڕ كردووه‌ .جێ باسه‌ پێوانه‌ى پێشووترى گه‌وره‌ترین " لیره‌ زێر" په‌یوه‌ست بوو به‌ زێرنگه‌ریه‌كى ئۆسترالى ، كه‌ له‌ ساڵى 2004 لیره‌یه‌كى زێرى به‌ كێشى 31.1 كیلوگرام دروست كردبوو.

س/به‌کره‌جۆ