ئوسامه‌ بن لادن به‌هۆى نه‌خۆشى گورچیله‌وه‌ له‌ساڵى 2007 كۆچى دوایى كردووه‌..

سه‌رچاوه‌یه‌كى حكومه‌تى ئه‌فغانستان رایگه‌یاندووه‌: سه‌رۆكى رِێكخراوى قاعیده‌ له‌ساڵى 2007 ه‌وه‌ به‌هۆى نه‌خۆشییه‌وه‌ كۆچى دوایى كردووه‌.

ئه‌و سه‌رچاوه‌یه‌ى نێو حكومه‌تى ئه‌فغانى بۆ ده‌زگاكانى راگه‌یاندن باسى له‌وه‌كردووه‌ كه‌له‌ساڵى 2004 ه‌وه‌ (ئوسامه‌ بن لادن) ى سه‌رۆكى رِێكخراوى قاعیده‌ ته‌نها به‌ گورچیله‌یه‌ك ژیانى بردۆته‌ سه‌ر، به‌ڵام له‌ساڵى 2007 له‌چیاكانى تۆرابۆرا نه‌خۆش كه‌وتووه‌و گورچیله‌كه‌ى تریشى وه‌ستاوه‌و دواتر كۆچى دوایى كردووه‌.

ئه‌و سه‌رچاوه‌یه‌ى هه‌واڵ باسى له‌وه‌ش كردووه‌ كه‌وویلایه‌ته‌ یه‌كگرتووه‌كانى ئه‌مریكا زانیارى هه‌یه‌ كه‌ بن لادن له‌ژیاندا نه‌ماوه‌، بوونى ئه‌وانیش له‌و ووڵاته‌دا به‌ ئامانجى تره‌.

سه‌رچاوه‌/کوردیو