بابه‌ت: لاوێكی سعودی ژماره‌یه‌كی نوێی له خواردنی دووپشكی زیندوودا تۆمار كرد
[size=24]
لاوێكی سعودی ژماره‌یه‌كی نوێی له خواردنی دووپشكی زیندوودا تۆمار كرد و چووه كتێبی "گینس"ه‌وه، ئه‌مه‌ش پاش ئه‌وه‌ی له نمایشێكدا توانی 22 دووپشك بخوات.
ماجد مالیكی دووپشك خۆره و له لێدوانێكیدا بۆ رۆیته‌رز وتی: "بڕیارمدا ژماره‌ی پێوانه‌یه‌ی خواردنی دووپشك بشكێنم، بۆیه 22 دووپشكم ئاماده‌كرد و هه‌ر هه‌موویانم خوارد و بڕوانامه‌ی گینسم به‌ده‌ستهێنا".
هه‌موو ئه‌وكه‌سانه‌ی كه له‌و نمایشه‌دا ئاماده‌بوون له ئازایه‌تی و چاونه‌ترسی ئه‌و لاوه تووشی سه‌رسووڕمان هاتن، له به‌ر ئه‌وه‌ی پێش ئه‌وه‌ی ده‌ست بكات به جوینی دووپشكه‌كان یاری پێده‌كردن.
كه‌سێك له خزمه نزیكه‌كانی ماجد مالیكی وتی: "زیاد له 21 ساڵه ده‌ستی كردووه به خواردنی دووپشك و له كاتی خواردنیاندا هه‌ست به چێژێكی گه‌وره ده‌كات و ته‌نها ئه‌و كه‌سه‌ش هه‌ستی پێده‌كات كه ده‌یخوات".
ماجد مالیكی ئه‌وه‌شی ره‌تكرده‌وه كه مه‌به‌ستی له ئه‌نجامدانی ئه‌مكاره ده‌ستكه‌وتنی ناوبانگ بێت، ئاماژه‌ی به‌وه‌شكرد كه ئاره‌ووی سه‌ركه‌شی و بزواندنی هه‌ستی كه‌سانی دیكه پاڵی پێوه‌ناوه ئه‌وه بكات،
ته‌ئكیدی له‌وه‌ش كرده‌وه كه له ژیانیدا سه‌ردانی هیچ پزیشكێكی نه‌كردووه، پاش خواردنی ئه‌و دووپشكانه‌ش هه‌ستی به‌هیچ ئازارێك نه‌كردووه.
كتێبی گینس كتێبیچكه تایبه‌ته به تۆماركردنی ناوی ئه‌و كه‌سانه‌ی ژماره‌ی پێوانه‌یی له بواره جیاجیاكاندا ده‌شكێنن و كار و چالاكی و داهێنانی سه‌رسوڕهێنه‌ر تۆمار ده‌كه‌ن.
سه‌رچاوه‌ی سایتی\\\ ڕێبین[/size]
[/center]
