بابه‌ت: ئه‌ڵمانیا ٤ –٠ ئه‌رژه‌نتین :
دوای ئوسترالیا و ئینگلته‌را ، ئه‌رژه‌نتینیش بووه قوربانی چوارینه‌کانی مانشافت
دوای کۆنترۆلکردنی قۆناغی ١٦ی جامی جیهانی له‌لایه‌ن هه‌ڵبژارده‌کانی کیشوه‌ری ئه‌مریکای باشوور ، له قۆناغی ٨دا هه‌مووشتێک پێچه‌وانه بووه‌وه و دوای ماڵئاواییکردنی به‌ڕازیل له‌سه‌رده‌ستی هه‌ڵبژارده‌ی هۆڵه‌ندا ، ئه‌مڕۆ مانشافت ی ئه‌ڵمانیا زۆر جوانتر هه‌مان سیناریۆی یاری به‌رامبه‌ر ئینگلته‌رای دووباره‌کرده‌وه و به جوار گۆڵی بێ وه‌ڵام هه‌ڵبژارده‌یه‌کی زلهێزی تری ئه‌مریکای باشوری کرده ده‌ره‌وه و ئه‌رژه‌نتین و میسی و مارادۆنای شه‌رمه‌زارکرد !
له یه‌کێک له خێراترین گۆڵه‌کانی ئه‌م پاڵه‌وانێتیه‌دا مۆله‌ری تازه‌ی ئه‌ڵمانیه‌کان تۆماس موله‌ر له خوله‌کی ٢ دا گۆڵی یه‌که‌می تۆمارکرد و ئه‌رژه‌نتینی تۆشی شۆک کرد ، دوای ئه‌م گۆڵه ئه‌رژه‌نتین نه‌یتوانی ئه‌و ئاسته پێشکه‌ش بکات که له یاریه‌کانی تردا پێشکه‌شی کرد و نه میسی و نه هیچ یاریزانێکی تر نه‌یانتوانی هێڵی به‌رگری هه‌ڵبژارده‌ی ئه‌ڵمانیا ببڕن له به‌رامبه‌ردا له زۆربه‌ی کاته‌کان ئه‌ڵمانیا مه‌ترسیدارتر ده‌بینرا به‌ڵام نیوه‌ی یه‌که‌م هه‌ر به‌و ئه‌نجامه مایه‌وه. له نیوه‌ی دووه‌مدا له کاتێک که هانده‌رانی ئه‌رژه‌نتین چاوه‌ڕێی گه‌ڕانه‌وه‌ی هه‌ڵبژارده‌که‌یان بوون و به هیوای یه‌کسانکرده‌وه‌ی ئه‌نجامه‌که بوون میرۆسلاڤ کلۆزه دووه‌م گۆڵی تۆمارکرد و هه‌نگاویکی تر ولاته‌که‌ی له سه‌رکه‌وتن نزیک کرده‌وه ، ئاست به‌رزی ئه‌ڵمانیا و لاوازی ئه‌رژه‌نتین ئه‌نجامه‌که‌ی به‌م شێوه‌یه نه‌هێشته‌وه و ئارنی فریدریچ سێهه‌مینی له ٧٤ هێنا و هه‌مووشتێکی یه‌کلاکرده‌وه به‌ڵام کلۆزه بێ ڕه‌حمانه دواین بزماری له تابوتی هه‌ڵبژارده‌ی تانگۆ دا و چواره‌مینی له دواین خوله‌ک تۆمارکرد و ژماره‌ی گۆڵه‌کانیشی له‌گه‌ڵ گێرد مۆله‌ر یه‌کسانکرده‌وه و ته‌نیا یه‌ک گۆڵی ماوه به ژماره‌ی پێوانه‌یی ئه‌فسانه ڕۆناڵدۆ بگاته‌وه . وه هه‌روه‌ها شڤانشتایگه‌ر به باشترین یاریزانی یاریه‌که ده‌ستنیشانکرا و لیۆنێل میسی پێنجه‌مین و دواین یاری خۆی به بێ گۆل به‌کۆتا هێنا.
به‌م شێوه‌یه‌ش ئه‌ڵمانیا چاوه‌ڕێی براوه‌ی یاری نێوان پاراگوای و ئیسپانیا ده‌بێت که ئه‌مشه‌و ئه‌نجام ده‌درێت.
یاریگا
[/center]
