بابه‌ت: کارلێس پویۆلی بیر له وازهێنان ده‌کاته‌وه!!!!!!
[size=24]کارلێس پویۆلی بیر له وازهێنان ده‌کاته‌وه!![/size]
کارلێس پویۆلی یاریزانی هه‌ڵبژارده‌ی ئیسپانیا پاش ئه‌وه‌ی له‌گه‌ڵ هه‌ڵبژارده‌ی وڵاته‌که‌ی جامی جیهانی 2010 ـی باشووری ئه‌فریقای به‌ده‌ستهێنا،ده‌یه‌وێت واز له‌یاریی نێوده‌وڵه‌تی بهێنێت.
به‌رگریکاری 32 ساڵی یانه‌ی به‌رشه‌لۆنه به‌ده‌ستهێنانی جامی وڵاتانی ئه‌وروپای 2008 و جامی جیهانی به ده‌ستکه‌وتێکی گرنگی ده‌زانێت و پێیوایه ئێستا کاتی ئه‌وه هاتووه بڕیاری وازهێنان بدات له‌یاریی نێوده‌وڵه‌تی بۆ ئه‌وه‌ی ده‌رفه‌تێک به‌یاریزانه لاوه‌کان بدات درێسی هه‌ڵبژارده بپۆشن.
ڕۆژنامه‌ی مارکا له ژماره‌ی ئه‌مڕۆییدا ئاشکرای کرد که دوای 90 یاریی به درێسی هه‌ڵبژارده‌که‌وه،که یه‌که‌م یارییان ده ساڵ له‌مه‌وبه‌ر بوو،ئێستا به‌ڕاستی بیر له وازهێنان ده‌کاته‌وه و ده‌یه‌وێت پێش یاریی داهاتووی هه‌ڵبژارده‌که‌ی به‌رامبه‌ر هه‌ڵبژارده‌ی مه‌کسیک له 11 ـی مانگی داهاتوو،واز له‌یارییکردن بهێنێت.ئه‌م بڕیاره‌شی دوای کۆبوونه‌وه‌یه‌کی پێنج کاتژمێری له‌گه‌ڵ ڤیسێنتی دیل بۆسکی ڕاهێنه‌ر و فرناندۆ هێرۆی به‌ڕێوه‌به‌ری وه‌رزشی هه‌ڵبژارده‌ی ئیسپانیا بووه.
له کۆبوونه‌وه‌که‌دا دیل بۆسکی پێی ڕاگه‌یاندووه ده‌یه‌وێت له‌گه‌ڵ هه‌ڵبژارده‌که‌ی درێژه به‌یارییکردن بدات و ژماره‌یی یارییه‌کانی به‌درێسی هه‌ڵبژارده‌که‌یه‌وه بگه‌یه‌نێته 100 یاریی.
gwllchen
