بابه‌ت: تاقیكردنه‌وه گشتییه‌كانی قۆناغی 12 ی تێدا بڵاوده‌كرێته‌وه
په‌یامنێر ناوی ئه‌و ماڵپه‌ره بڵاوده‌كاته‌وه، كه ئه‌نجامی تاقیكردنه‌وه گشتییه‌كانی قۆناغی 12 ی تێدا بڵاوده‌كرێته‌وه
PNA – (ئاژانسی هه‌واڵی په‌یامنێر) ناوی ئه‌و ماڵپه‌ره بڵاوده‌كاته‌وه، كه ئه‌نجامی تاقیكردنه‌وه گشتییه‌كانی قۆناغی 12ی تێدا بڵاوده‌كرێته‌وه.
مامۆستا (ئیسماعیل به‌رزنجی) به‌ڕێوه‌به‌ری ڕاگه‌یاندنی وه‌زاره‌تی په‌روه‌رده‌ی حكومه‌تی هه‌رێمی كوردستان له لێدوانێكی تایبه‌ت به ئاژانسی هه‌واڵی په‌یامنێر ڕایگه‌یاند؛ تا ئێستا ئه‌نجامی تاقیكردنه‌وه گشتییه‌كانی قۆناغی 12 ، له هیچ ماڵپه‌رێك بڵاو نه‌بۆته‌وه.
مامۆستا ئیسماعیل به‌رزنجی ئاشكرایكرد، به‌ڵام ئێستا سه‌رقاڵی داخیل كردنی ئه‌نجامه‌كانیان له‌سه‌ر تۆڕی ئینته‌رنێت و پێشبینی كرد، دوای ماوه‌یه‌كی ئه‌م كاره به كۆتایی بێت و ئه‌نجامه‌كان له‌سه‌ر تۆڕی ئینته‌رنێت بڵاوبكرێته‌وه.
له باره‌ی ناونیشانی ئه‌و ماڵپه‌ره‌ی كه ئه‌نجامه‌كانی تێدا ڕاده‌گه‌یه‌نرێت، به‌ڕێوه‌به‌ری ڕاگه‌یاندنی وه‌زاره‌تی په‌روه‌رده‌ی حكومه‌تی هه‌رێمی كوردستان گوتی: ئه‌نجامه‌كان له :
www.kurdistan-moe.org بڵاوده‌كرێته‌وه.
ئه‌مرِۆ مامۆستا (باپیر به‌كر باپیر) به‌رِێوه‌به‌ری گشتی تاقیكردنه‌وه‌كان له وه‌زاره‌تی په‌روه‌رده‌ی حكومه‌تی هه‌رێمی كوردستان، له كۆنگره‌یه‌كی رۆژنامه‌وانیدا له هه‌ولێر پایته‌ختی هه‌رێمی كوردستان، ئه‌نجامی تاقیكردنه‌وه گشتییه‌كانی به‌شه‌كانی (زانستی، وێژه‌یی، پیشه‌یی، ئیسلامی) ڕاگه‌یاند.
له به‌شێكی كۆنگره رۆژنامه‌وانییه‌كه‌دا مامۆستا (باپیر به‌كر باپیر)، ئه‌وه‌ی خسته‌ڕوو، كه كۆی گشتی ژماره‌ی به‌شداربوان له سه‌رجه‌م قۆناغه‌كانی دوانزه‌ی ئاماده‌یی 76 هه‌زار و 433 قوتابی و خوێندكار بووه.
له‌باره‌ی ژماره‌ی به‌شداربووان و ده‌رچووان و رێژه‌ی ده‌رچوونیش ، به‌رِێوه‌به‌ری گشتی تاقیكردنه‌وه‌كان له وه‌زاره‌تی په‌روه‌رده‌ی حكومه‌تی هه‌رێمی كوردستان به‌م شێوه‌یه خستیه‌ڕوو:
به‌شی زانستی: ژماره‌ی به‌شداربوو 29611، ژماره‌ی ده‌رچوو 6801، رێژه‌ی ده‌رچوون 22.97%
به‌شی وێژه‌یی: ژماره‌ی به‌شداربوو 43797، ژماره‌ی ده‌رچوو 14250 ، رێژه‌ی ده‌چوو 32.54%.
به‌شی پیشه‌یی : ژماره‌ی به‌شداربوو 3029، ژماره‌ی ده‌رچوو 1403، رێژه‌ی ده‌رچوون 46.32%.
