ئه‌و زانیارییانه‌ی که لێکۆڵه‌ڕانی ئه‌مریکی به‌ده‌ستیانهێناوه نیشانیده‌ده‌ن که سه‌هۆڵی ناوچه جه‌مسه‌رییه‌کانی زه‌وی له خراپترین ئاستی خۆیدایه و گه‌یشتووه‌ته ناسکترین حاڵه‌تی خۆی و گه‌رما له زۆربه‌ی‌ شوێنه‌کانی زه‌وی به شێوه‌یه‌کی بێوێنه له به‌رزبوونه‌وه‌دایه و ساڵی 2010 ده‌بێته گه‌رمترین ساڵێک که له مێژوودا تۆمار کرابێت.به پێی ئه‌و لێکۆڵینه‌وانه که له رێگه‌ی سه‌ته‌لایته‌وه کراون رۆژانه 40 هه‌زار کیلۆمه‌تری دووجا له‌م سه‌هۆڵانه ده‌توێنه‌وه، به پێی راپۆرتێک که بڕیاره گۆڤاریJournal Geophysics  بڵاویبکاته‌وه ده‌وترێت، زه‌وی له 12 مانگی رابردوودا 6 پله گه‌رمتر له ساڵانی 1950 تاوه‌کوو 1980 ده‌بێت و ته‌نانه‌ت ئاستی گه‌رمای گشتیی زه‌وی له ساڵی 2005 زیاتر ده‌بێت.

رۆژنامه‌ی گاردیا‌ن له زمانی جیمز هانسێن وه‌کو به‌رپرسی ئاماده‌کاری ئه‌م راپۆرته ده‌نوسێت: به‌رزبوونه‌وه‌ی گه‌رمای زه‌وی به شێوه‌یه‌کی گشتیی 10 ساڵ جارێک رووده‌دات و زانیارییه‌کانی ئێمه نیشانی ده‌ده‌ن، که هه‌ر 10 ساڵ جارێک 15 تاوه‌کو 20 پله‌ی سه‌نتی ‌گراد زه‌وی گه‌رمتر ده‌بێت، لێکۆڵینه‌وه‌کانی ناوه‌ندی ناسا-ش ئه‌م لێکۆڵینه‌وانه ده‌سه‌لمێنن و نیشانیده‌ده‌ن که 4 مانگی رابردوو له چاو ساڵانی پێشوو که ئاستی گه‌رمایان تۆمارکراوه گه‌رمتر بووه.

ناوه‌ندی که‌شناسی ئه‌مریکا رایگه‌یاندووه، که چاوه‌ڕوان ده‌کرێت ئه‌مساڵ 14 تا 123 باوبۆرانی ده‌ریایی رووبدات که 14 یان به خێراییه‌کی زیاتر له 180 کیلۆمه‌تر له‌سه‌عاتێكدا ده‌بێت، که زۆر مه‌ترسیدارن و زیانی گه‌وره‌یان لێده‌که‌وێته‌وه.

dvd4kurd