سایتی یانه‌ی وه‌رزشی هه‌ولێر\\ شاندی یانەی غەلاتە سرای سەردانی یانەی وەرزشی هەولێریان بە مەبەستی دروستكردنی پەیوەندی لە نێوان هەردوو یانە، شاندی یانەی غەلاتە سرای لە تۆنگا خزندار جێگری سەرۆكی یانەی غەلاتە سرای و هایدن قونسلی توركیا لە كوردستان پێكهاتبوون، هەریەكە لە عەبدولخالق مەسعود جێگری سەرۆكی یانەی هەولێر و بێجان ئیبراهیم ئەندامی دەستەی كارگێری یانە و سامان بریفكانی بەرپرسی راگەیاندنی یانەی وەرزشی هەولێر و شێردل تەحسین ئەندامی بەرلەمانی هەرێمی كوردستان پێشوازییان لە شاندی میوان كرد.

لەم دیدارە باس لە چۆنیەتی بەهێزكردنی پەیوەندی لە نێوان هەردوو یانە و كردنەوەی ئۆردوگای مەشقی و ئەنجامدانی یاری دۆستانە، جیگری سەرۆكی یانەی گەلاتەسرای ئامادەیی یانەكەی نیشان دا بۆ ئەوەی یانەی هەولێر ئۆردوگایەكی مەشقی لە توركیا ئەنجام بدات و ئەنجامدانی یارییەكی دۆستانە لە نێوان هەردوو یانەی هەولێر و گەلاتەسرای توركی.

عەبدولخالق مەسعود خۆشحاڵی خۆی دەربری و تەئكیدی كردووە، كە ئەم پێشنیارە دەخاتە بەردەم راهێنەری یانەی هەولێر بۆ دەستنیشان كردنی كاتی ئەنجامدانی ئۆردوگا مەشقیەكە.

جێگەی باسە ئەم یەكەم یانەی توركیە سەردانی یانەی وەرزشی هەولێر دەكەن وەكو یەكەم هەنگاو بۆ بەهێزكردنی پەیوەندی لەگەڵ یانەكانی توركیا.