PNA- شه‌ڕی بووك و خه‌سوومان بینیوه‌ به‌ڵام نه‌ك به‌وجۆره‌ش، بووك و خه‌سوویه‌ك كه‌ به‌رده‌وام كێشه‌و گرفتیان هه‌بوو، توندتر بوونه‌وه‌ی ده‌مه‌قاڵێیه‌كانیان بووه‌ هۆی ئه‌وه‌ی خه‌سووه‌كه‌ ئاگر له‌بووكه‌كه‌ی به‌ربدات.

به‌گوێره‌ی راپۆرتی"رادیۆی زه‌مانه‌"، پاش ئه‌وه‌یكه‌ خه‌ڵكی گه‌ڕه‌ك په‌یوه‌ندییان به‌به‌شی فریاگوزاری پۆلیسه‌وه‌ كردو گوتیان له‌ماڵێك دا ئاگر كه‌وتووه‌ته‌وه‌، هێزه‌كانی پۆلیسی شارۆچكه‌ی"چاروایماق، له‌عه‌مه‌لیاتێك دا توانییان ژنێكی 25ساڵان له‌نێو كڵپه‌كانی ئاگردا رزگار بكه‌ن و تاوانبارانیش ده‌ستبه‌سه‌ر بكه‌ن.

فه‌رمانده‌ری پۆلیسی ئه‌و شاره‌ رایگه‌یاند: "بووكه‌كه‌ له‌لێكۆڵینه‌وه‌كاندا گوتوویه‌تی له‌گه‌ڵ خه‌سوویدا كێشه‌و گرفتی له‌مێژینه‌یان هه‌بووه‌، خه‌سووه‌كه‌ی له‌گه‌ڵ خوشكی مێرده‌كه‌ی دا به‌هاندانی مێرده‌كه‌ی له‌ماڵه‌وه‌ زیندانییان كردووه‌و به‌ئه‌نقه‌ست ئاگریان له‌ژووره‌كه‌ی به‌رداوه‌.
به‌رپرسی ئه‌و ناوه‌نده‌ی پۆلیس گوتی:"  بووكه‌ گه‌نجه‌كه‌ حاڵی له‌باشی دایه‌و هه‌ر سێ تاوانباریش به‌مه‌به‌ستی لێكۆڵینه‌وه‌ ده‌سگیركراون و گواستراونه‌ته‌وه‌ بۆ بنكه‌ی پۆلیس.

گرینگ نیه‌خه‌لك بزانێ یان نا
گرینگ ئه‌وه‌یه‌خۆت بزانی كه‌راستگۆی