بابه‌ت: ڕیاڵ مه‌درید 3 – 0 ئیسپانیۆل : به سێ گۆڵی خاوێن
[center]
ئه‌مشه‌و له یاریه‌کانی هه‌فته‌ی چواره‌می خولی ئیسپانیدا یانه‌ی ڕیاڵ مه‌درید سێهه‌م سه‌رکه‌وتنی خۆی به‌ده‌ستهێنا و به‌شێوه‌یه‌کی کاتی پێشه‌نگی لالیگای له یانه‌ی ڤاله‌نسیا وه‌رگرت .. ڕیاڵی خاوه‌ن یاریگا به سه‌ره‌تایه‌کی باش ده‌ستی پێنه‌کرد و مه‌ترسیه‌کی ئه‌وتۆی بۆ سه‌ر گۆڵی یانه‌ی میوان نه‌بوو به‌ڵام ناوبژیوان له خوله‌کی 29 لێدانێکی سزای بۆ یانه‌که هه‌ژمارکرد و کریستیانۆ ڕۆناڵدۆ به سه‌رکه‌وتویی جێبه‌جێی کرد . له نیوه‌ی دووه‌مدا یاریه‌که توندوتیژی زیاتری پێوه‌دیاربوو به تایبه‌ت که ناوبژیوان یاریزان پیپی له ریال و ئێرنیستۆ گالان له ئیسپانیۆلی له خوله‌کی 60 و 62 کرده ده‌ره‌وه ، یاریه‌که به‌و ئاست و ئه‌نجامه مایه‌وه تاوه‌کو دواین 10 خوله‌کی یاریه‌که کاتێک له خوله‌کی 80 گۆنزالۆ هیگواین له پاسێکی جوان دووه‌م گۆڵی تۆمارکرد و دڵنیایی زیاتری به‌خشیه‌وه هانده‌ران ، ڕاسته‌وخۆ دوای گۆڵه‌که خۆزێ مۆرینهۆ که‌ریم به‌نزیمه‌ی هێنایه نێو یاریگا و هیگواین قوربانی گۆڕانکاریه‌که بوو ، یاریه‌که به‌و ئه‌نجامه نه‌مایه‌وه و له خوله‌کی 88 به‌نزیمه گۆڵی سێهه‌می هێنا و سه‌رکه‌وتنی دووپاتکرده‌وه . به‌م ئه‌نجامه‌ش لۆس بلانکۆس بووه خاوه‌نی 10 خاڵ و له پله‌ی یه‌که‌م دێت له چاوه‌ڕوانی یاری ڕکابه‌ره‌کانی که سبه‌ی ئه‌نجام ده‌درێن.
ياريگا[/center]
