بابه‌ت: صه‌دای سه‌متوره
صه‌دای سه‌متوره كه‌له‌م گه‌رمه ئه‌مشه‌و
چریكه‌ی بانگی دڵ بێ شه‌رمه ئه‌مشه‌و
به ناخون كاری فه‌رهاد دێ له ده‌ستم
وه‌ها شاهۆ له ناڵه‌م گه‌رمه ئه‌مشه‌و
*
له ته‌نیایی به یادی رووحی مه‌جنون
خه‌یاڵی گه‌شتی ده‌شت و ده‌رمه ئه‌مشه‌و
غوباری خاكی وا حه‌ق گه‌ر به‌هه‌شت بێ
له ده‌رگای تۆ خه‌به‌ر ئاوه‌رمه ئه‌مشه‌و
*
دڵم وه‌ك حاكمی مه‌غدووره قوربان
ته‌مای صه‌نعاته‌كه‌ی ئازه‌رمه ئه‌مشه‌و
ئه‌گه‌رچی یار و یاوه‌ر بوون به دوژمن
خه‌می بێ یاوه‌ری یاوه‌رمه ئه‌مشه‌و
*
له ده‌وریشم گه‌ڕا په‌روانه ناكام
له‌سه‌ر ڕێی نوری هیجره ئه‌مشه‌و
كه چونكه بۆی ویصاڵی تۆی تیایه
نه‌سیمی صوبح خه‌به‌ر ئاوه‌رمه ئه‌مشه‌و
مسته‌فا به‌گی ساحێب قڕان ( كوردی)
سپێدەیەکی پڕ گۆرانییە
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
