بابه‌ت: ده‌ته‌وێ به‌گه‌نجی بمێنیته‌وه؟
كه‌م نین ئه‌و كه‌سانه‌ی خه‌فه‌ت به‌زوو پیربوونه‌وه ده‌خۆن، یاخود حه‌ز ده‌كه‌ن جه‌سته‌و ڕووخساریان هه‌ر به‌گه‌نجی بمێنیته‌وه، ئه‌گه‌ر له‌م مرۆڤانه‌یت ئه‌وا 10 ڕێنمایی په‌یڕه‌و بكه مانه‌وه‌ی گه‌نجێتیت له‌سه‌ر ئێمه!
سه‌نته‌ری پارێزگاری له‌ته‌ندروستی له‌ئه‌ڵمانیا رایگه‌یاند: پێویسته كۆمه‌ڵێك خۆراكی سودمه‌ند بخۆین كه پارێزگاری له رووخسارو جه‌سته‌مان ده‌كات، خۆمان له‌هه‌ندێ خۆراك‌و خواردنه‌وه‌ش بپارێزین كه ده‌بێته مایه‌ی زوو پیربوون، ڕێنماییه‌كانیش بریتین له:
1. میوه‌و سه‌وزه‌ی تازه بخۆ.
2. هه‌فتانه دوو جار ماسی بخۆ.
3. چای سه‌وز بنۆشه.
4. سیری تازه به‌ماست یاخود ڕووبه هه‌ناره‌وه بخۆ.
5. خۆراكه پڕ له‌كالۆرییه‌كان مه‌خۆ.
6. خۆراكه پڕ له‌چه‌ورییه‌كان مه‌خۆ.
7. گۆشتی سور مه‌خۆ.
8. له‌مادده ئه‌لكهولییه‌كان دوور بكه‌وه‌ره‌وه.
9. جگه‌ره مه‌كێشه یاخود كه‌می بكه‌ره‌وه.
10. شیرینی زۆر مه‌خۆ.
