بابه‌ت: ئهگهر هاتی ته‌نیا وه‌ره
ئهگهر هاتی ته‌نیا وه‌ره
ئه‌و بارانه په‌ستم ئه‌کا
که ره‌شه‌بای له گه‌لا بێ
په‌ست ده‌بم
به‌و گوڵه گه‌نمه ی
له‌گه‌ل ژه‌نگا په‌نجه‌یان تێک هه‌ڵکێشابێ ،
ئه‌ی بارانی ساڵی نه‌هات
ئهگهر هاتی ته‌نیا وه‌ره
بێ ره‌شه‌باو بێده‌نگ وه‌ره
ئه‌ی گوڵه گه‌نمی زێر کفتم
ئهگهر هاتی بێ ژه‌نگ وه‌ره
ئهگهر هاتی ته‌نیا وه‌ره
هه‌روه‌ک له ناو دلما ته‌نیای
سه‌رینه‌که‌م بۆ دوو که‌سه
دوو کورسی تامه‌زرۆم هه‌یه
دوو پیاله‌شم هه‌یه بۆ چای !
عبدالله په‌شێو
