بابه‌ت: هەولێر بەئەنجامی 2-1 گۆڵ لە دهۆكی بردەوە
(ئێوارەی ئەمڕۆ چوارشەم یانەی هەولێر لە چوارچێوەی یارییە دواخراوەكەیدا لە خولی بژاردەی عێراق لە یانەی دهۆكی بردەوە.
ئەمڕۆ یانەی هەولێر لە یارییە دواخراوەكەی لە كۆمەڵەی باكوری خولی بژاردەی تۆپی پێی عێراق لە یاریگەی فرەنسۆ هەریری مێوانداری یانەی دهۆكی كرد.
گێمی یەكەمی یارییەكە بەبێ گۆڵ بەكۆتا هات، بەڵام لە سەرەتای گێمی دووەمدا یانەی هەولێر توانی گۆڵی یەكەم لە ڕێگەی هێرشبەرەكەی لوئەی سەڵاح تۆمار بكات، دواتر یاریزانانی دهۆك توانیان گۆڵی یەكسانبوونەوە تۆمار بكەن، 4 خولەك پێش تەواوبوونی یارییەكە لوئەی سەڵاح گۆڵی دووەم و بردنەوەی بۆ یانەی هەولێر تۆماركرد و یارییەكە بەئەنجامی 2-1 گۆڵ بۆ یانەی هەولێر بەكۆتا هات.
بەم بردنەوەیە یانەی هەولێر بە 48 خاڵ پێگەی خۆی لە سەرووی ڕیزبەندی كۆمەڵەكەی قایمتر كرد، یانەی دهۆكیش بە25 خاڵ هەر لە پلەی نۆیەمی ڕیزبەندییەكە مایەوە.
(ئاكانیوز)-
