بابه‌ت: ێژه‌ی مردن به نه‌خۆشی ئایدز 25% كه‌م بووه‌ته‌وه
ێژه‌ی مردن به نه‌خۆشی ئایدز 25% كه‌م بووه‌ته‌وه
هه‌ولێر 5ی حوزه‌یران/ یونیۆ (PNA)- راپۆرتێكی نوێی رێكخراوی نه‌ته‌وه یه‌كگرتووه‌كان ده‌ڵێت رێژه‌ی مردنی تووشبووانی نه‌خۆشی ئایدز له جیهاندا به‌شێوه‌یه‌كی به‌رچاو كه‌م بووه‌ته‌وه
رێكخراوی نه‌ته‌وه یه‌كگرتووه‌كان له راپۆرتێكی نوێدا رایگه‌یاندووه له ماوه‌ی 10 ساڵی رابردوودا رێژه‌ی مردن به‌هۆی نه‌خۆشی ئایدز له جیهاندا به بڕی 25% كه‌می كردووه.
به‌پێی ئه‌م راپۆرته، چالاكیه‌كان بۆ پێشگرتن له ئایدز، له ماوه‌ی 10 ساڵی رابردوودا بووه‌ته هۆی ئه‌وه‌ی رێژه‌ی په‌ره سه‌ندنی تووشبووانی ئه‌م نه‌خۆشیه، له هیندستان به بڕی 50% و له ئه‌فریقای باشوور به بڕی 35% كه‌م ببێته‌وه.
به‌پێی راپۆرتی بی بی سی، سه‌رۆكی به‌رنامه‌ی كۆنترۆڵ كردنی ئایدز سه‌ر به نه‌ته‌وه یه‌كگرتووه‌كان، مایكڵ سادیبی، ده‌ڵێت به‌پێی لێكۆڵینه‌وه‌كان، ئه‌گه‌ر ده‌رمانه‌كانی ئایدز له كاتی خۆیدا به نه‌خۆش بگات، ده‌توانرێ به رێژه‌ی 96% پێش به بڵاو بوونه‌وه‌ی ڤایرۆسی ئایدز بگیرێت.
به‌پێی ئاماره جیهانیه‌كان، تا كۆتایی ساڵی 2010ی زایینی، زیاتر له 34 ملیۆن كه‌س له جیهاندا هه‌ڵگری ڤایرۆسی ئایدز بوون و له ساڵی 1981 (كه یه‌كه‌مین نه‌خۆشه‌كانی ئایدز ده‌ركه‌وتن) هه‌تا ئێستا نزیكه‌ی 30 ملیۆن كه‌س به‌و نه‌خۆشیه مردوون.
راپۆرته‌كه‌ی رێكخراوی نه‌ته‌وه یه‌كگرتووه‌كان له كۆتاییدا باس له‌وه ده‌كات كه بۆ پێشگیری له بڵاوبوونه‌وه ئایدز، هه‌تا كۆتایی ساڵی 2015، پێویستی به زیاتر له 22 ملیار دۆلار بودجه هه‌یه. ئه‌مه‌ش 6 ملیار دۆلار له بودجه‌ی ئێستای زیاتره
[/center]
