بابه‌ت: دایكێك دواى 50 ساڵ دابڕان به كوڕه‌كه‌ى شاد ده‌بێته‌وه
دایكێك دواى 50 ساڵ دابڕان به كوڕه‌كه‌ى شاد ده‌بێته‌وه
[imgr]http://www.kurdistantv.net/files/articl … 091454.jpg[/imgr]
KTV ...
- ئێران ،، "عیفه‌ت ره‌زا پور فه‌ره‌همه‌ند" خاتوونێكی ته‌مه‌ن 75 ساڵی ئێرانییه و 50 ساڵ پێش ئێستا له هاوسه‌ركه‌ی جیا ده‌بێته‌وه. پاش ته‌ڵاقی عیفه‌ت له هاوسه‌ره‌كه‌ی دادگا به‌رپرسایه‌تی "حه‌مید" منداڵی ته‌مه‌ن سێ ساڵه‌ی ئه‌و بنه‌ماڵه ده‌داته باوكی ئه‌و بنه‌ماڵه‌یه.
عیفه‌ت له منداڵه‌كه‌ی جیا ده‌بێته‌وه‌و ده‌گه‌رێته‌وه بۆ شاره‌كه‌ی خۆی ، حه‌میدى كوڕیشى تا ته‌مه‌نی 18 ساڵی له ئێران بووه‌و پاش شۆرشی ئیسلامی ده‌چێته ده‌ره‌وه‌ی وڵات و له ئه‌مریكا ده‌ژیت و ئێستا خاوه‌نی كچێكی ته‌مه‌ن 16 ساڵ و كوڕێكی ته‌مه‌ن 15 ساڵه.
حه‌مید پاش 50 ساڵ دووری له دایكی به هاوكاری یه‌كێك له خزمه‌كانی توانی دایكی خۆی له شاری ته‌ورێز بدۆزێته‌وه‌و بۆ دیدار له‌گه‌ڵ دایكی ده‌گه‌رێته‌وه ئێران.
حه‌مید له‌و باره‌یه‌وه ده‌ڵێت: ده‌مه‌ویست جارێكیتر دایكم ببینم و پاش هاوكاری یه‌كێك له خزمه‌كانم له ئێران توانیم دایكی خۆم بدۆزمه‌وه‌و به خێرایی گه‌رامه‌وه ئێران بۆ دیدار له‌گه‌ڵ دایكم و ئێستا زۆر خۆشحاڵم پاش 50 ساڵ جارێكیتر دایكی خۆم بینیه‌وه.
"عیفه‌ت ره‌زا پور فه‌ره‌همه‌ند" له‌وباره‌یه‌وه ده‌ڵێت: ده‌یان ساڵ هه‌وڵمدا بتوانم كوڕه‌كه‌م بدۆزمه‌وه ، به‌ڵام چونكه حه‌مید له ده‌ره‌وه‌ی وڵات بوو نه‌متوانی بیدۆزمه‌وه‌و به دیداری شاد ببمه‌وه ، كه‌چى ئێستا كه كوره‌كه‌م بینیه‌وه وا هه‌ست ده‌كه‌م له هه‌موو خه‌لكى دونیا خۆشحالترم .
