بابه‌ت: كه تۆ هاتی
[center]
[size=17]كه تۆ هاتی
نازانم چۆن
ئاماده بم بۆ پێشوازیت !
باخێک بم له گوڵ و جوانی ؟
یان ساباتێ له سێبه‌ر و ئاوه‌دانی ؟
که تۆ هاتی
نازانم چۆن
هه‌وێنێ بم بۆ گه‌شتنت !!
هه‌ناسه‌م بکه‌م به ئاسمان
بۆ فرینت ؟
یان خوێنم بکه‌م به ڕووبار
بۆ ڕه‌وتی که‌شتی ئه‌ڤینت ؟؟
نا .. که هاتی
دڵم ده‌که‌م
به واگۆنێ بۆ خه‌ونی تۆ
کاتێ گه‌شتی
چاوم ده‌که‌م به هه‌زار چاو
بۆ چنینه‌وه‌ی تریفه ی پڕ له نوری
په‌یکه‌ری تۆ ..
که تۆ هاتی و زیاتر هاتی و
له باوه‌شما توایته‌وه ،
ئیتر جه‌سته‌م ئاوێزانی عه‌شق ئه‌بێ .
دڵی تینووم
به گوڵاوی ئه‌م ئه‌ڤینه
تێراو ئه‌بێ
ئیتر هه‌ستم
له نێوان ئاسمانه‌کاندا ئازاد ده‌بێ
شیعرم پڕ له وشه‌ی گوڵ و
له ئاوازی پڕ له سۆز و
پڕ له ناو و
پڕ له جوانی و
له عه‌شقی من بۆ تۆ ئه‌بێ .
هێمن ڕەئووف[/size][/center]
[center]
نازانم بۆ قسه یكم بۆ وتن نییه هیچ ناڵێم .....ته نیا یه ك شت نه بێ
ئه ڵێم خودایه هه رگیز جێم مه هێڵه من هه میشه موحتاجی تۆم .. [/center]
نازانم بۆ قسه یكم بۆ وتن نییه هیچ ناڵێم .....ته نیا یه ك شت نه بێ
ئه ڵێم خودایه هه رگیز جێم مه هێڵه من هه میشه موحتاجی تۆم .. [/center]
