بابه‌ت: وێــنــه‌ی شــه‌رمــن . . .
که ئه‌لبومی یاده‌وارییم
ئه‌که‌مه‌وه جارناجارێ
وێنه‌که‌ی تۆ.. هه‌ر وه‌ک ئه‌وسا
عه‌تر و خه‌نده‌ی لێ ئه‌بارێ !
ئه‌و به بێ ده‌نگ بۆم ئه‌ڕوانێ
من به گریان ئه‌یدوێنم
سه‌بورییه بۆ ته‌نهاییم
هه‌رکاتێ لێی ڕائه‌مێنم
تو چاوی خۆت.. هه‌ر بۆساتێ،
تۆش وێنه‌مت له‌به‌ر چاوه ؟
یاخود ئێستا نه‌ک وێنه‌که‌م
ڕوخساریشم لات شێواوه ؟
له دوای ئه‌وه‌ی چاوه‌کانت
وێنه‌ی منیان ونکردووه
ئاخۆ ئێستا وێنه‌ی کێیان
له خۆیاندا هه‌ڵگرتووه؟
ئه‌و پێشکه‌شه‌ی له‌سه‌ر پشتی
وێنه‌که‌ی خۆت، بۆت نوسیوم
وا له شه‌رما کاڵبۆته‌وه
هێنده ئه‌شکی چاوی دیوم !
دڵنیابه ئه‌و وێنه‌یه
ئێستا مه‌یلی مردن ئه‌کا
له بری تۆ ڕۆژی سه‌د جار
ئه‌و.. داوای لێبووردن ئه‌کا
سالح بێچار
ده‌توانی گوێ له هه‌موو قورئانی پیرۆز بگریت به ته‌فسیری کوردی له یوتوب فـــــه‌رمــوو
کـاتـێـک ژیـان سـه‌د هـۆکـارم نـیـشـان ده‌دات بـۆ گریان و ئازار . .
مــن هه‌زار هۆکاری نیشان ده‌ده‌م بۆ خه‌نده و ژیانێکی به‌ختیار . . !
کـاتـێـک ژیـان سـه‌د هـۆکـارم نـیـشـان ده‌دات بـۆ گریان و ئازار . .
مــن هه‌زار هۆکاری نیشان ده‌ده‌م بۆ خه‌نده و ژیانێکی به‌ختیار . . !
