بابه‌ت: چۆن ده‌بیت به‌كه‌سێكی سه‌رنجڕاكێش…؟
ئایا پێشتر زاراوه‌ی "كه‌سایه‌تی موگناتیسی"ت بیستووه؟ ئایا كه‌سێكی سه‌رنجڕاكێشت بینیوه و تۆش حه‌زبكه‌یت وه‌كو ئه‌و بیت؟ ئایا ئه‌م جۆره كه‌سانه هه‌ر له له‌دایكبوونه‌وه به‌م شێوه‌یه‌ن؟
ئه‌م گه‌ردوو غوباره له‌سه‌ر خۆت لابه‌ره‌و فه‌رموو ئه‌م (20) رێگایه كه‌بریتیین له‌چه‌ند سیفاتێكی جوان و كورت ئه‌گه‌ر ره‌چاویان بكه‌یت ئه‌بیت به‌كه‌سێكی خۆشه‌ویست و سه‌رنجڕاكیش له‌ناو خه‌ڵك و كۆمه‌ڵگا.
1. هه‌میشه له‌گفتوگۆكانتا راستگۆبه.
2. هه‌میشه خۆت دوور بگره له‌ده‌مه بۆڵه‌و ئینكاریكردن.
3. سنورێك دابنێ بۆ پێكه‌نینه‌كانت، ئاگاداربه له‌هه‌موو كات و شوێنێكدا پێمه‌كه‌نه.
4. چۆن حه‌ز ئه‌كه‌یت ده‌ورووبه‌رت به‌شێوه‌یه‌كی باش و جوان مامه‌ڵه‌ت له‌گه‌ڵ بكه‌ن، به‌و شێوه‌یه‌ش مامه‌ڵه‌یان له‌گه‌ڵ بكه.
5. لێبورده و به‌خشنده‌به و خۆت دوور بگره له‌گله‌یی.
6. توڕه مه‌به، هۆكاره‌كه‌ی هه‌رچییه‌ك بێت (توڕه‌بوون یه‌كێكه له‌سیفه‌ته‌كانی شه‌یتان).
7. سڵاو له‌هه‌موو كه‌سێك بكه گه‌ر بیانناسیت یان نه‌یانناسیت، سه‌لامكردن كلیلێكه بۆ كردنه‌وه‌ی ده‌رگا داخراوه‌كانی ناو كۆمه‌ڵگا.
8. هه‌میشه له‌بۆنه‌كاندا دیاری ببه‌خشه (ئه‌گه‌رچی دیارییه‌كان كه‌مبه‌هابێت له‌رووی ماددییه‌وه، به‌ڵام كاریگه‌رییه‌كی سیحری هه‌یه له‌سه‌ر به‌رامبه‌ره‌كه‌ت).
9. هه‌میشه گوێ بۆ كه‌سانی ده‌ورووبه‌رت بگره.
10. بیر له‌ده‌روونێكی ئارام بكه‌ره‌وه و هیواو ئومێد بڵاوبكه‌ره‌وه و دووربكه‌وه‌ره‌وه له‌نائومێدی.
11. ئه‌و گرفتانه‌ی كه‌دێته رێگات به‌قورسی وه‌ریمه‌گره، شته‌كان وه‌ك خۆی سه‌یربكه نه‌زیادی بخه‌ره‌سه‌ر نه‌كه‌می بكه‌ره‌وه.
12. هه‌میشه وابیر بكه‌ره‌وه كه‌هه‌موو كه‌سێك بیر وباوه‌ڕی تایبه‌ت به‌خۆی هه‌یه و هه‌موو كه‌سێك خاوه‌ن سروستێكی تایبه‌تی خۆیه‌تی.
13. لووت به‌رز مه‌به، هه‌میشه سوپاسگوزار و ساده و ساكاربه.
14. نه‌رم و نیان به له‌گه‌ڵ ئه‌و كه‌سانه‌ی كه‌هه‌ڵه‌ت به‌رامبه‌ر ئه‌كه‌ن، ته‌نانه‌ت ئه‌گه‌ر ئازار به‌دڵیشت بگات، له‌سه‌رخۆبه "دوژمنه‌كه‌ت به شه‌كراو بخنكینَه".
15. له‌ناخۆشیدا له‌گه‌ڵ ده‌ورووبه‌ره‌كه‌ت به له‌پێش خۆشیدا "به‌شداربه له‌خۆشی و ناخۆشیدا".
16. ره‌خنه‌ی ڕووخێنه‌ر مه‌گره له‌هیچ كه‌سێك، هه‌میشه ره‌خنه‌كانت بادرووستكه‌ربێت.
17. هه‌میشه كه‌سێكی رووخۆش به‌و خۆت دوور بگره له‌رووگرژی.
18. هه‌میشه ئارام به له‌كاتی ناخۆشییه‌كان (خوای گه‌وره هه‌میشه ئامۆژگاریمان ئه‌كات كه‌ئارام بین).
19. دوور بكه‌وه‌ره‌وه له‌دووڕوویی.
20. وه‌ك هه‌نگ وابه (ئه‌چێته سه‌ر هه‌موو گوڵێك شیله‌كه‌ی هه‌ڵئه‌مژێت به‌بێ ئه‌وه‌ی زیانی پێبگه‌یه‌نێت).
و/كوێستان ئه‌نوه‌ر
س::panet
ئینسان به‌رگه‌ی گولە ناگرێت
ئیدی نازانم..
چۆن سنگ ئه‌نێت به عیشقه‌وه !!!
