[size=16]
ئاخ لە دەستی (ڕێبەر کویک) بووە بە کێشە بۆمان

شتەکان هەموویان عەکسن ئەمەیە ئاخر زەمان

هەرچەندە ناوی (کویک)ە کەچی بێ سنوور خاوە

هەر کەسێ ئەم خەتەی هەبێ بەدەستییەوە داماوە

کەچوومە سەر (لاپتۆپ)ەکەم (ڕێبەر) دائەگیرسێنم

هەتا (پەیج)ێ دائەبەزێ سەرخەوێ ئەشکێنم

کە (فەیس بووک) دەکەمەوە،دڵ پڕ لە داخ و ئێشم

خۆ سەیری (پۆست)ەکان ناکەم هەر خەریکی (ڕیفرێش)م

گەر وویستت شتێ (ئەپلۆد) کەی تا (ڵایک)ێ بەدەست بێنی

ئەبێ سورەتی (فاتیحە) و حەوت (قولوەڵڵا) بخوێنی

لە شەودا بێ ڕکابەرە و خاویەکەی بێ هاوتایە

کیسەڵ لەچاو ئەم خەتەدا وەک تەیارە خێرایە

پیاو دەبێ حەقیقەت بڵێ : وەڵڵا بە ڕۆژ بێ عەیبە

حەجمەکەشی زۆر مومتازە هەروەک قامووسی جەیبە

دەزانی چی وات لێدەکات خەوەکەت بزڕێ شەوێ؟

خۆتان دەزانن سەری مانگ،(ڕێبەر کویک) چی دەوێ
[/size]