بابه‌ت: به‌رازیل و ئه‌رجه‌نتین له دوو یاری دۆستانه‌ی تۆپی پێ به‌یه‌ك ده‌گه‌ن
(PNA) – یه‌كێتی تۆپی پێی به‌رازیل رایگه‌یاند كه هه‌ڵبژارده‌ی وڵاته‌كه‌ی دوو یاری دۆستانه‌ی تۆپی پێ له‌گه‌ڵ هه‌ڵبژارده‌ی ئه‌رجه‌نتین ئه‌نجام ده‌دات.
هه‌روه‌ها یه‌كێتی به‌رازیل ئه‌وه‌ش راگه‌یاند كه ئه‌م دوو یارییه هه‌ر یه‌كه و له وڵاتێك ده‌ێ، واته یارییه‌ك له به‌رازیل و یارییه‌ك له ئه‌رجه‌نتین و به یاریزانی خولی ناوخۆ، واته ئه‌و یاریزانانه‌ی كه له خولی به‌رازیل ئه‌رجه‌نتین یاریده‌كه‌ن به‌شداری له‌م دوو یارییه ده‌كه‌ن، یه‌كه‌م یاری له ئه‌رجه‌نتین رۆژی 14ی ئه‌یلول/سپته‌مبه‌ر به‌رِێوه‌ده‌چێ و له 18ی ئه‌مان مانگ له به‌رازیل یاری ده‌كه‌ن.
هه‌ر له یارییه دۆستانه‌كان، به‌رازیل به هه‌موو ئه‌ستێره‌كانیه‌وه له یارییه‌كی دۆستانه رۆژی 10ی ئه‌م مانگه له‌گه‌ڵ ئه‌ڵمانیا یاری ده‌كات و ئه‌رجه‌نتین رۆژی 2ی ئه‌یلول/سپته‌مبه‌ری داهاتوو له‌گه‌ڵ ڤه‌نزویلا یاری ده‌كات و پاش ئه‌م یارییه به چوار رۆژ له داكا له‌گه‌ڵ نایجیریا یاری ده‌كات.
جێی باسه، به‌رازیل و ئه‌رجه‌نتین له پاڵه‌وانێتی كوپا ئه‌مریكا كه 24ی مانگی رابردوو له ئه‌رجه‌نتین به‌كۆتاهات، هه‌ردوو هه‌ڵبژارده له قۆناغی هه‌شت ماڵئاواییان له پاڵه‌وانێتییه‌كه كرد، به‌رازیل به پاره‌گوای دۆرِا و ئه‌رجه‌نتین به ئۆره‌گوای و ئۆره‌گوای نازناوه‌كه‌ی به‌ده‌ست هێنا پاش بردنه‌وه‌ی له پاره‌گوای له یاری كۆتایی.
تۆش ناتەوێ بۆ من بژی
شەرتە یا ئەبێ بۆ من بی
یا بە دەستی خۆت بمکوژی[/center]
