[center][size=16]                    دیاری

چى بنێرم بەدیارى بۆت کە وەک خۆت بێگەرد و جوان بێ

تەنیـا دڵم بـەدى ئـەکـەم هـەتـا مردن لات میـوان بێ

ڕاستە من بەو دڵە ئەژیم ئەیدەم بەتۆ وەک ئاوێنە

چى بێ لە دڵ شیرینتر بێ تۆش لە دڵتا بیخەوێنە

لە دوورەوە چـاوم لەگەڵ سـەرنجـى تۆ ئاوێزانە

دوو مناڵى دەم بەخەندەن بۆ یەک ئەدوێن ئازیزانە

کە ئەگەیتە بەر دەروازەى ماڵى گلێنەى چــاوانم

منیش بەسەرنجى تینووم بۆ خۆرى چاوت ئەڕوانم

بەڵام چیبکەم لە دوورەوە پرشەى نیگات ئەمسووتێنێ

هەرچى وشەى ئەوین هەیە لە شەرما خـۆى ئەتورێنێ

ناچار منیش بێدەنگ ئەبم تا تۆ حەرفێک بدرکێنى

هەتا لە جێژوانى تارم چراى عەشقێک داگیرسێنى

هۆنراوه‌ی ئه‌حمد محمد[/size][/center]