[  وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا ]    (سورة الفرقان: 68 ـ 69).

واتە: ئەوانەى كە هیچ هاوەڵ و شەریكێك بۆ خواى پەروەردگار ئەنجام نادەن و كەسێكیش ناكوژن كە خواى پەروەردگار كوشتنى قەدەغە كردبێت، مەگەر بە پێى ئەحكامەكانى خواى پەروەردگار بێت و داوێن پیسى و زینا ناكەن وە هەركەسێك ئەوانە ئەنجام بدات ئەوا تووشى تاوان بووە و لە ڕۆژى دوایشدا سزاكەى بۆ چەند جار دەكرێتەوە، و بەبێ ڕێزى لە دۆزەخدا دەمێنێتەوە.
ئایا بەرگەى ئەو ئازارە دەگریت ؟!
لە جابرى كوڕى جوندوبەوە (رضي الله عنه) لە پێغەمبەرى خواوه (صلى الله عليه وسلم) بۆمان دەگێڕێتەوە كە فەرموویەتى: "رأيت الليلة رجلين أتياني، فأخرجاني إلى أرض مقدسة... فانطلقنا إلى ثقب مثل التنور، فإذا فيه لغط وأصوات، قال: فاطلعنا فيه فإذا فيه رجال ونساء عراة، وإذا هم يأتيهم لهب من أسفل منهم، فإذا أتاهم ذلك اللهب ضوضوا"... فسأل عنهم... فقيل: "الزناة والزواني" بخارى(386)
واتە: ئەم شەو لە خەومدا دوو پیاو هاتنە لام و بردمیان بۆ زەویەكى پیرۆز... و ڕۆیشتین تاكو گەیشتینە كونێك هەر وەكو تەنوور وابوو، بینیم هات و هاوار و دەنگە دەنگێكى لێوە دێت، فەرمووى: كە ڕوانیمانە تەنوورەكە بینیمان پیاوان و ئافرەتانێكى ڕووتى تێدایە بڵێسەى ئاگر لە ژێریانەوە دێت وە هەر كە ئەو ئاگرەیان لێ نزیك دەبووەوە دەستیان دەكرد بە هاوار وگریان، پرسیارم كرد ئەوانە كێن ؟ ووتى: ئەوانە ئافرەتان و پیاوانى زیناكار و داوێن پیسانن.
ئەمە بەشێكە لەو ئازارەى كە زیناكاران (داوێن پیسان) توشى دەبن لە لایەن خواى گەورە، و ە ئەو كەسەش كە كردەوەى قەومى(لوط)ـ نێربازى ـ ئەنجام بدات ئەوە بەلایەنى كەمەوە وەك ئەوانە ئەگەر خراپتر نەبێت،پاشان دەپرسم: ئایا بەرگەى ئەوە دەگریت ؟! وە ئایا خۆت توشى ئەو ئازارە دەكەى ؟ براى شیرینم من نامەوێ لە وەڵامدا بڵێی: من هێشتا بەو تاوانانە نەگەیشتووم و نەم كردوون، باش بزانە كە پێشەكیەكان (سەیركردن،تێكەڵاوى، دەست پێوەدان، و...) هەنگاوى سەرەتایین بەرەو ئەو تاوانە گەورەیە، هەربۆیە دەڵێم وریاى خۆت بە.
[(2) پێ هەڵنانێك بەرەو رِێگەى لەناوچوون]
بـرای لاوم ئایا نەتزانیوە كە دوژمنی گەورەت (شيطان) لەبەرامبەر خواى بڵند و پایەبەرزدا سوێندى خواردووە كە بەردەوام هەوڵەكانى بۆ گومڕاكردنى من و تۆ بێت بە هەر ڕێگایەك كە بۆى بگونجێ، قورئان بۆمان دەگێڕێتەوە كە ووتویەتى: [ قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَآئِلِهِمْ وَلاَ تَجِدُ أَكْثَرَهُمْ شَاكِرِينَ  ] (سورة الأعراف: 16 ـ 17).
واتە: شەیتان دەڵێت ئەى پەروەردگار سوێند بێت، دەبێت رێگەى ڕاستى تۆ لە بەندەكان بگرم و هەوڵ بدەم گومڕایان بكەم،پاشان لە پێش و پاش و ڕاست چەپەوە بۆیان دەڕۆم و وایان لێ دەكەم كە زۆربەیان شوكرانە بژێرى نیعمەتەكانى تۆ نەبن.
زانیت برام چۆن بە هەموو شێوەیەك خەریكى گومڕاكردن و لە خشتە بردنى من وتۆیە، لەوەش زیاتر ئەو باش دەزانێت كاتێك كە بەندە تووشى تاوانێك دەكات (با بچوكیش بێت) بەڵام هەنگاوێكى بڕیوە و هەنگاوەكەى دواترى ئاسانتر دەبێت.
خواى گەورە لە قورئاندا باسى ئەو سێ كەسەمان بۆ دەكات كە لە جەنگى (أُحُد) دا دواكەوتن و تووشى ئەم تاوانە گەورەیە بوون كە یەكێكە لە تاوانە لە ناوبەرەكان (الموبقات)، دەبینین بەهۆی هەندێك تاوانی بچووكەوە بووە، خواى گەورە دەفەرمووێت: [ إِنَّ الَّذِينَ تَوَلَّوْاْ مِنكُمْ يَوْمَ الْتَقَى الْجَمْعَانِ إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُواْ وَلَقَدْ عَفَا اللّهُ عَنْهُمْ إِنَّ اللّهَ غَفُورٌ حَلِيمٌ ] (سورة آل عمران: 155).
واتە: ئەوانەى كە لە كاتى ڕوو بە ڕوو بوونەوەى كۆمەڵى بڕواداران و بێباوەڕان هەڵاتن و پشتیان هەڵ كرد لە دوژمن، ئەوە شەیتان بوو تووشى ئەو كارەى كردن بە هۆى هەندێك لەو تاوانانەى كە پێشتر كردبوویان، بەڵام خواى پەروەردگار لێى خۆشبوون، و بێگومانیش خواى پەروەردگار لێبووردە و بەسۆزە بەرامبەر بە بەندەكانى.
بۆیە براى ژیرم باش بزانە كە شەیتان هەموو ڕێگەیەك دەگرێتەبەر بۆ ئەوەى تۆ تووشى تاوانێك بكات گەرچى بچوكیش بێت، بەڵام دواتر و هێدى هێدى دەتگەیەنێت بە تاوانى گەورتر و پاشان پێت دەڵێت: تۆ تازە دونیا و دوا ڕۆژیشت لە دەست داوە چیتر خوا لێت خۆش نابێت، بۆیە بە ئارەزووى خۆت چێژ لە خۆشییەكان وەربگرە ! گۆم تا زیاتر قووڵ بێت مەلەى خۆشترە، بەمەش ڕێگاى گەڕانەوەت لێ دەبڕێ و بێ هیوات دەكات.
[(3) ئاگادارى ئاخر شەرِى (سوء الخاتمة) بە]
لە هەردوو (صحیح)ى پێشەوا (البخاری) و (مسلم) دا، و لە عبدالله ى كوڕى مسعود وە (رضي الله عنه) كە پێغەمبەرى خوا (صلى الله عليه وسلم) فەرموویەتى: "  فوالذي نفسي بيده، إن الرجل ليعمل بعمل أهل الجنة، حتى ما يبقى بينه وبينها إلا ذراع، فيسبق عليه الكتاب، فيعمل بعمل أهل النار فيدخلها "
واتە: سوێند بێت بەو كەسەى كە نەفسى منى بە دەستە، كەسى وا هەیە كردەوەى بەهەشتییان دەكات تا ئەو كاتەى كە ئەندازەى (باڵێك)ى دەمێنێتەوە بۆ ڕۆشتنە بەهەشتەوە، كەچى هەڵدەگەڕێتەوە و كردەوەى ئەهلى دۆزەخ دەكات و دەڕواتە دۆزەخەوە.
هەر بۆیە دەبینین كە پێشینە پیاو چاكەكان چۆن لە ئاخر شەڕى (سوء الخاتمة‌) ترساون.
ڕۆژێكیان (سفیان الثوري) ـ ڕەحمەتى خواى لێ بێت ـ شەوێك تاكو ڕۆژ بووەوە هەر دەگریا،كە ڕۆژ بووەوە پێى ووترا: ئایا ئەم گریانەت لەبەر تاوانەكانتە ؟ ئەویش پوشكەیەكى لەسەر زەوى هەڵگرت ووتى:" الذنوب أهون من هذه، إنما أبكي خوف الخاتمة ".
واتە: تاوانەكان لەم پوشكەیە لەلام سوكترن، بەڵكو من لەترسى ئاخڕشەریدا دەگریم.
برای لاوم: ئایا تۆ نازانى ڕاهاتن لەسەر تاوان و زاڵبوونى بەسەر دڵدا یەكێكە لە گەورەترین هۆكارەكانى ئاخرشەڕى (سوء الخاتمة‌) ؟
دەگێڕنەوە جارێكیان پیاوێك عاشقى گەنجێكی جوان دەبێت و بەشێوەیەكی وا كە ئارامى لێ بڕیبوو، خۆشەویستى كوڕەكە تەواو لە دڵیدا چەسپابوو، تا واى لێ هات پیاوەكە بەهۆیەوە نەخۆش كەوت،گەنجەكەش هەر خۆى لێ بە دوور دەگرت، خەڵكیش زۆرجار بەگەنجەكەیان دەووت ئەگەر بۆ تەنها جارێكیش بێت سەردانى ئەو پیاوە بكە، بۆیە ناچار گەنجەكە بەڵێنى دا كە سەردانێكى ئەو كابرایە بكات،كاتێك كە ئەم هەواڵە بەكابرا ڕاگەیەنرا لەخۆشیا ساغ بویەوە و هەموو غەمەكانى لە بیر چوو، وە بە بەردەوامى چاوەڕوانى كاتى دیارى كراوى هاتنى گەنجەكەبوو، لەم بارەدا یەكێك لەو كەسانەى كە هەوڵى قایلكردنى گەنجەكەى دەدا بۆ سەردانكردنى ئەم پیاوە، هات و پێى ووت: گەنجەكە تا نیوەى ڕێگا لە گەڵیدا هاتووە و پاشان گەڕاوەتەوە، كابراى چارە ڕەشیش كە ئەمەى بیست شتێك لە دەستى بوو كەوتە سەر زەوى و لە جارى جاران خراپترى لێ هات و نیشانەى مردنى تیا دەركەوت، تا واى لێ هات لەسەرەمەرگ و دواساتەكانى ژیانیدا دەیوت:
أسلم يا راحة البال العليل       ويا شفاء المدنف النحيل
رضـاك أشهى إلى فؤادي       مـن رحمة الخالق الجليل
پێیان ووت: فڵان كەس لە خوا بترسە تۆ لەسەرەمەرگدای، ئەویش ووتى: ئەوه ‌ پێشتر بوو‍‍‍‍، بۆیه ‌ ئەوخەڵكەش ماڵەكەیان بەجێ هێشت،كە گەیشتنە بەر دەرگاى ماڵەكە،گوێیان لە هاوارى كەسووكارەكەى كە بۆ مردنى دەگریان.
كابرایەكى تریش لەلاى ماڵى خۆى ڕاوەستابوو، لەو كاتەدا كەنیزەكێكى جوان بەلاى دا تێپەڕ بوو، لە كابراى پرسى: كامەیە ڕێگاى گەرماوى (منجاب) ؟ ئەویش بەنیازێكى خراپەوە پێی ووت: ئەمە گەرماوى (منجاب)ە و مەبەستى ماڵەكەى خۆى بوو، كەنیزەكەكەش بێ ئاگایانە چووە ژورەوە و كابراش شوێنى كەوت، دواتر كە كەنیزەكە بەنیازى كابراى زانى، خۆشحاڵى پیشان دا و پێى ووت: باشتر وایە كە شتێكمان هەبێت كەش و هەواكەمان زیاتر خۆش بكات و دڵمان پێى خۆش بێت ـ مەبەستى پێى خواردن و خواردنەوە بوو ـ ئەویش پەرۆشانە ماڵى بەجێ هێشت بێ ئەوەى دەرگاكەى لە سەر دابخات و هەموو ئەوەى كە پێویست بوو هێناى، كە گەڕایەوە ماڵەوە بینى كەنیزەكەكە ماڵى بەجێ هێشتووە و دەرباز بووە، كابراش تووشى غەم و پەژارەیەكى زۆر بوو، وە بەردەوام لە یادكردنیدا بوو، و بەڕێگاو باندا دەهات و دەڕۆیشت و دەیووت:
   يا رُبَّ قائلة يوما و قد تعبت    كيف الطريق إلى حمام منجاب
لە یەكێك لەو ڕۆژانەى كە ئەم ووتەیەى دووبارە دەكردەوە، كەنیزەكێكى تر لە تاقى ماڵێكەوە پێى ووت:
هلاّ جعلت سريعا إذ  ظفرت بها                 حرزا على الدار أو قُفلا على الباب
كابراش بەمە زیاتر توشى ئێش و ئازار بوو، تاوەكو گەیشتە سەرە مەرگ لەدوا ساتەكانى ژیانیدا هەرئەو دێڕە شیعرەى دووبارە دەكردەوە(1).
بینیت براى خۆم ـ خوا بتپارێزێت ـ هەواو ئارەزوو چى بەسەر خاوەنەكەی دێنێت ؟ بۆیە وریابە لەو چارەنوسە ڕەشە.
[(4) كام لەم دوو خۆشەویستییە هەڵدەبژێریت؟]
براى خۆم باش بزانە كە دڵى بەندە وەك دەفرێك وایە و ئەم دەفرەش بەتاڵ نیە لە خۆشەویستێك كە دڵ ئومێد پێیەتی و ترسی لە دەست دانى هەیە، وە ئەوەش بزانە كە دووشتى دژیەك هەرگیز كۆنابنەوە، بۆیە لێت دەپرسم: ئەگەر دڵت بە خۆش ویستنى هەواو ئارەزووەكان پڕ بوو، پێت وایە كە شوێنێكى تر دەمێنێتەوە بۆخۆشەیستنى خواى پەروەردگار و ئەوەى كە خوا پێی خۆشە ؟
برام باش بزانە كە ڕێگاى ڕاست یەك ڕێگایە، بۆیە چارەنوسى خۆت دیارى بكە و یەكێك لەو دوو ڕێگا بۆخۆت هەڵبژێرە، وە من لێرەدا پێت ئەڵێم: كە ئەگەر خۆشەویستى خوا و چێژى ئیمانت وویست و هەڵبژارد ئەوە دڵنیابە كە هەرگیز بەدەستى ناهێنیت تاكو دڵت بە تەواوى پاك نەكەیتەوە لە هەموو ئەو شتانەى كە مایەى تووڕە بوونى ئەوە، وە ئەوەش بزانە كە ئەگەر دڵت بە غەیرى خواوە پەیوەست بوو ئەوا هەرگیز ناتوانى چێژ لە باوەڕەكەت و شیرینى كردەوە چاكەكانت وەربگریت ؟
ئێستاش لێت دەپرسم: تۆ لە كام كۆمەڵەى ؟ هەر لە ئێستاوە جێگەى خۆت دیارى بكەو لەوەش دڵنیابە كە ئەو شتەى لە ژیاندا خەمت بۆ دەخوارد و پەرۆشى بووى، هەر ئەوەت دێتە پێش لە سەرەمەرگدا و هەر لە سەر ئەوەش زیندوو دەكرێیتەوە.
[(5) ئایا هیچت نەبیستوە دەربارەى نەخۆشیە جنسیەكان (الامراض الجنسية‌) ؟]
بەڕاستى سوننەتى خواى پەروەردگار وایە كە ئەو كەسانەى سەرپێچى فەرمانەكانى دەكەن ئەوا لە دونیادا توشی سزایان دەكات پێش ڕۆژى دواى، وە ئەم جۆرە تاوانەش كە داوێن پیسى یە (زینا) سزایەكى تایبەتى خۆی هەیە.
عبدالله ى كوڕی عه مرى كوڕى عاص رضي الله عنه بۆمان دەگێڕێتەوە لە پێغەمبەرەوە (صلى الله عليه وسلم) كە فەرمویەتى: " يا معشر المهاجرين خصال خمس إذا ابتليتم بهن وأعوذ بالله أن تدركوهن، لم تظهر الفاحشة في قوم قط حتى يعلنوا بها إلا فشا فيهم الطاعون والأوجاع التي لم تكن مضت في أسلافهم الذين مضوا، ولم ينقصوا المكيال والميزان إلا أخذوا بالسنين وشدة المئونة وجور السلطان عليهم، ولم يمنعوا زكاة أموالهم إلا منعوا القطر من السماء ولولا البهائم لم يمطروا، ولم ينقضوا عهد الله وعهد رسوله إلا سلط الله عليهم عدوا من غيرهم، فأخذوا بعض ما في أيديهم، وما لم تحكم أئمتهم بكتاب الله ويتخيروا فيما أنزل الله إلا جعل الله بأسهم بينهم "   السلسلة الصحيحة (106)
واتە: ئەى كۆمەڵى كۆچەران پێنج ئاكار و سیفەت هەن، ئاكام و ئەنجامەكانیان زۆر خراپن، پەنا دەگرم بە خواى پەروەردگار لە وەى كە تووشى ببن:
یەكەمیان: داوین پیسى و زینا لە هیچ گەل و نەتەوەیەكدا دەرنەكەوتووە تاكو گەشتۆتە ئەوەى كە ئاشكرا بكرێت، ئیللا نەخۆشى (طاعون)، و پەتا و دەرد و بەڵایان تێدا بڵاو بووەتەوە، بە شێوەیەك كە لە پێشینیاندا نە بوو بێت.
دووەمیان: وە هیچ گەل و نەتەوەیەك فێڵ و تەڵەكەبازى و خیانەتیان لە كێش و پێوانەدا نەكردووە، ئیللا خواى پەروەردگار قات قڕى و گرانی و ستەمى كاربەدەستانى تووشكردوون.
سێ یەمیان: وە هیچ گەل و نەتەوەیەك زەكاتى ماڵ و سامانیان قەدەغە نەكردووە ئیللا خواى پەروەردگار بارانى ئاسمانى لێ گرتوونەتەوە، وە ئەگەر لە بەر ئاژەڵ نەبایە ئەوا هەرگیز بارانى بۆ نەدەباراندن.
چوارەمیان: وە هەر گەل و نەتەوەیەك ئەو پەیمانەیان شكاندبێت كە بە خواى پەروەردگار و پێغەمبەرەكەى دابێتیان، ئیللا خواى پەروەردگار دوژمنێكى لە غەیرى خۆیان زاڵكردووە بە سەریاندا، ئەو دوژمنانەش سەروەت و سامانەكانیان بۆ خۆیان بردووە.
پێنجەمیان: وە هەر كاتێك پێشەوا و سەركردەكانیان بە پەرتووكى پەروەردگاریان حوكمیان نەكرد بێت، بەڵكو بە ئارەزووی خۆیان هەڵبژاردەیان لێكرد بێت، ئیللا خواى پەروەردگار شەڕ و ئاژاوەى خستۆتە نێوانیانەوە.
[ئایا هیچت بیستوە دەربارەى نەخۆشی (الزهری) (2) یان (السیلان)(3) ؟]
لە سەر ژمێرییەكى ساڵی (1977)دا ژمارەى تووش بووان بە نەخۆشى (الزهری) لە هەر ساڵێكدا گەیشتوەتە (50 ملیون)، وە تووش بووانى نەخۆشی (السیلان) ساڵانە‌ دەگاتە پێنج ئەوەندە، واتە (250 ملیون) وە لە ساڵى (1981) ژمارەى تووش بووانى نەخۆشیەكى تر كە ئەویش (الهربس التناسلی) یە تەنها لە وولایەتە یەكگرتووەكانى ئەمریكادا گەیشتوەتە (20 ملیون).
وە ئەوانەى كە سەرپێچى فەرمانەكانى خواى گەورە دەكەن توش بوون بە نەخۆشى (الإیدز) (4) كە بڵاو بووەتەوە و بەردەوامیشە لە بڵاوبوونەوە بەشێوەیەكى ترسناك (زیاد بوونێكى ڕێژەى 1 ـ 3 ـ 9 ـ 27 ـ 81....) كە لە ساڵی (1981) ژمارەى تووش بووانى تەنها لە ئەمریكا گەیشتە (252)، وە لە ساڵى (1983) گەیشتە (2643)، وە لە (30 ـ 6 ـ 1985) گەیشتە (12067) وە لە (3 ـ 2 ـ 1986) گەیشتە (17001)، ئەوەش بزانە كە (73 %) ى تووش بووانى ئەم نەخۆشیە (الإیدز) لە وانەن كە خەریكى كارى نێر بازیین.
وە ئەمەش یەكێكە لە تووش بووانى ئەم نەخۆشیە كە ئەكتەرێكی سینەماى ئەمریكیە بە ناوى (رۆك هدسون) كە لە سەر جێگاى مردن دەڵێت: ((من چاوەڕوانى قەدەرم كە لە دەرگام بدات، لە ناخمەوە گوێم لێیەتى، من نەم دەویست بەو شێوەیە ئازار بدرێم لە ڕێگاى ئەم نەخۆشیەوە كە بە شێر پەنجەى ئەم سەردەمە دادەنرێت وە سەرەڕاى بزەى خەڵكانێكى زۆر بۆم و پێرۆزبایی لێ كردنم و هیوای چاك بوونەوە بۆ خواستنم، بەڵام من هەر چاوەڕوانى قەدەرم كە لە دەرگام بدات بۆ دواساتەكانى ژیانم))
(6) سزا لە هەمان جۆر و ڕەگەزى كردەوەیە (الجزاء من جنس العمل):
ئەمە ڕێسایەكى شەرعی و سوننەتێكى نەگۆڕی خواى پەروەردگارە لە گەردوندا، برای لاوم ئایا تۆ پێت وایە ئەو كەسەى بە شێوەیەكی ڕەها و بە بێ گوێ دان بە هیچ سنورێك دەرگا بۆ ئارەزووەكانى واڵا بكات، بە ئاسانى لە سزاى خواى گەورە ڕزگارى دەبێت ؟ بێ گومان نەخێر، كەمترین بەشى سزاى ئەوەیە كە بەر ئەو ڕێسایەى سەرەوە بكەوێت و وەك دەوترێ چى بڕوێنى ئەوە بە دەست دێنى وە پێشەوا (شافعی) دەڵێت:
عفّوا تعفّ نساؤكم في المحـرم      وتجنبـوا مــا لا يليق بمسلم
إن الـزنا دَيْن إذا أقــرضته     كان الوفاء من أهل بيتك فاعلم
من يَـزْنِ يُـزْنَ به ولو بجداره      إن كنت يـا هذا لبيباً فـافهم
واتە: خۆتان پاك ڕاگرن و بپارێزن، لە ئاكامدا ئافرەتەكانتان لە جێگە و شوێنى خۆیان پارێزراو دەبن، و دووریش بكەونەوە لە هەموو ئەو شتانەى كە شایستەى موسڵمان نین، ئەوەش بزانن كە داوێن پیسى و زینا قەرزێكە بەلاى ئەنجام دەرەكەیەوە،دەبێت بدرێتەوە ئەگەر چى دانەوەى ئەو قەرزە لە لایەن كەس و كارتانەوە بێت، ئەو كەسەى كە داوێن پیسى و زینا بكات، داوێن پیسى و زیناى لە گەڵدا دەكرێت، ئەگەر بە دیوارى خانووەكەشى بێت، جا ئەگەر تۆ دانا بیت تێدەگەیت.
بۆیە برای لاوم بزانە كە ئەوەى كە دەست درێژى بكاتە سەر شەرەف و ناموسى خەڵكى، بە دوورى مەزانە كە خەڵكانى تر دەست درێژى بكەنە سەر شەرەفى كچ و خوشكى ئەو وە ئەوەى سنورەكانى خواى پەروەردگار نە پارێزێت، دوور نییە خێزانەكەى خیانەتى لێ بكات، خواى گەورە من و تۆش لە هەموو خراپەیەك بپارێزێت.
بۆیە برای لاوم ئابڕوى خۆت بپارێزە بە پاراستنى ئابروى خەڵكى و باش بزانە كە لە وانەیە سزا بدرێیت بە هەمان جۆرى تاوانەكەت و هەر ئەو شتە توشى ماڵ و منداڵت بێت كە بە سەر خەڵكیت هێناوە.
============================
(1) بڕوانە: پەرتۆكى (العاقبة‌) لاپەڕەى: 171 و پاش ئەوە.
(2) نەخۆشیەكى میكرۆبییە كە تەنها لە سەر مرۆڤ دەژى و لە ڕێى زینا و داوێن پیسیەوەدەگوێزرێتەوە.
(3)نەخۆشیەكە بەهەمان شێوەى پێشوو، هۆكارێكیشە بۆ نەزۆكی.
(4)نەخۆشى نەمان و لە ناوچوونى بەرگرى لەش كە یەكێكە لە هەڕەشە گەورەكان بۆ سەر جیهان و بەهۆى ڤایرۆس و لە ڕێى زینا و داوێن پیسیەوە دەگوێزرێتەوە.

[size=24]BA8.org[/size]