بابه‌ت: وانه‌یه‌ک له په‌پوله‌وه ...!
رۆژێك له رۆژان پیاوێك بۆ ماوه‌ی چه‌ند كاژێرێك به‌وردی چاودێری په‌پوله‌یه‌كی بچووكی كرد، كه ده‌یویست له قۆزاخه‌كه‌ی بێته ده‌ره‌وه، زۆر هه‌وڵی ده‌داو تێده‌كۆشا هه‌تا بتوانێ له كونێكی بچوكی قۆزاخه‌كه‌ی خۆی ده‌رباز بكات‌و بێته قۆناغێكی تری نوێی ژیانی... له ناكاودا له جوڵه كه‌وت‌و وه‌ستا، وه‌ك بڵێی توانای نییه به‌رده‌وام بێت له هه‌وڵه‌كانی بۆ بڕینی قۆناغێك له قۆناغه‌كان، پیاوه‌كه وا گومانی برد كه په‌پووله‌كه هه‌موو توانای خۆی به‌كار هێناوه‌‌و ناتوانێ هه‌ستێ به‌و كاره، پاشان په‌پووله‌كه به ته‌واوی وه‌ستا له هه‌وڵدان، بۆیه پیاوه‌كه هه‌ست‌و سۆزی بۆی جوڵاو به‌زه‌یی پێدا هاته‌وه، هه‌ستا به بڕینی قۆزاخه‌ی په‌پوله‌كه به مه‌قه‌ستێكی بچووك وه‌ك یارمه‌تیدانێك بۆ په‌پوله بچكۆله‌كه!
له‌و كاته‌دا په‌پوله‌كه زۆر به ئاسانی كه‌وته خواره‌وه‌‌و له قۆزاخه‌كه‌ی هاته ده‌ره‌وه، به‌ڵام به له شێكی لاواز‌و بێ هێز‌و باڵه‌كانی سست‌و نه‌كراوه بوون.
پیاوه‌كه به‌رده‌وام چاودێری ده‌كرد پێی وابوو كه باڵه‌كانی ده‌كرێنه‌وه‌‌و گه‌وره ده‌بن‌و له‌شی لاوازی به‌هێز ده‌بێت‌و پاشان ده‌توانێ بفڕێت.
به‌ڵام هیچ له‌وانه رووی نه‌دا، په‌پووله‌كه به درێژایی ژیانی به لاوازی‌و بێ هێزی‌و باڵه سست‌و بێ تواناكانی كه نه‌یده‌توانی بفڕێت مایه‌وه‌‌و به‌سه‌ربرد.
سۆز‌و به‌زه‌یی پیاوه‌كه بۆ په‌پووله‌كه چیكرد؟ چ كاریگه‌رییه‌كی هه‌بوو له‌سه‌ری؟
ئه‌و نه‌یده‌زانی توانای خوای گه‌وره‌‌و سۆز‌و به‌زه‌یی بۆ په‌پوله‌كه له‌وه‌دا بوو كه ئه‌و په‌پوله‌یه چاوه‌ڕێی بكات‌و ئارام بگرێت‌و به هه‌وڵی خۆی ئه‌و قۆزاخه‌یه بدڕێت‌و بێته ده‌ره‌وه، چونكه له‌و ماوه‌یه‌دا شله‌یه‌كی تایبه‌ت ده‌گاته باڵه‌كانی‌و به‌هێزیان ده‌كات‌و پاش هاتنه‌ده‌ره‌وه‌ی یارمه‌تی فڕینی ده‌دات!!
له‌م به‌سه‌رهاته‌وه بۆمان روون ده‌بێته‌وه كه له ژیانماندا هه‌ندێجار پێویست ده‌كات له دژی سه‌ختی‌و دژوارییه‌كانی ژیان بجه‌نگێین‌و له‌سه‌نگه‌ری رووبه‌ڕووبوونه‌وه‌دا بین‌و ئه‌و رێگر‌و ناخۆشییانه بكه‌ینه هۆكارێك بۆ زیاتر پێشه‌وه چوون‌و سه‌ركه‌وتن نه‌ك ده‌سه‌وسان‌و خۆدان به‌ده‌سته‌وه، تا بتوانین قۆناغه‌كانی ژیان به سه‌ركه‌وتوویی ببڕین‌و ئاسووده‌‌و به‌خته‌وه‌ر بین. ئه‌گه‌ر خوای گه‌وره هه‌موو ده‌مێك ژیانێكی بێ كێشه‌‌و ئارام‌و بێ گیروگرفت‌و ئاسانی پێبه‌خشین، ئه‌وا به‌ده‌سته‌وسانی ده‌مێنینه‌وه‌‌و ناتوانین به‌ره‌نگاری نه‌هامه‌تی‌و ناخۆشییه‌كانی ژیان ببینه‌وه... هه‌روه‌ك چۆن په‌پوله‌كه نه‌یتوانی بتوانێت بگاته مه‌به‌ستی خۆی‌و بفڕێت..!!
داوای هێزم كرد.... خوای گه‌وره نه‌هامه‌تی پێبه‌خشیم تا به‌هێزتر بم.
داوای ژیریم كرد.... خوای گه‌وره كێشه‌ی پێبه‌خشیم تا بتوانم چاره‌سه‌ریان بكه‌م.
داوای سه‌ركه‌وتنم كرد.... خوای گه‌وره عه‌قڵا‌و لاشه‌یه‌كی پێبه‌خشیم تا كار بكه‌م.
داوای ئازایه‌تیم كرد.... خوای گه‌وره سه‌ختی‌و دژواری‌و رێگرییه‌كانی ژیانی پێبه‌خشیم تا به‌ره‌نگاریان بووه‌ستم.
داوای خۆشه‌ویستیم كرد.... خوای گه‌وره كه‌سانێكی بێ توانا‌و ماندوو‌و شه‌كه‌تی له مامه‌ڵه‌دا پێبه‌خشیم هه‌تا بتوانم به‌خۆشه‌ویستییه‌وه مامه‌ڵه‌یان له‌گه‌ڵا بكه‌م.
داوای سۆز‌و ستایشم كرد.... خوای گه‌وره چه‌ندین هه‌لی جیاوازی پێ به‌خشیم تا به هۆیانه‌وه كاربكه‌م.
نه‌گه‌یشتم به هیچ له‌وانه‌ی كه داوام كردن!!!
به‌ڵام بێگومان خوای گه‌وره ئه‌وه‌ی پێویستم بوو پێی به‌خشیم.!!
كه‌واته له ژیاندا به‌بێ ترس بژی... به‌ره‌نگاری ناخۆشی‌و ناڕه‌حه‌تییه‌كان ببه‌وه.... توانای خۆت بسه‌لمێنه بۆ خۆت‌و كه‌سانی تریش كه ده‌توانی ئه‌و هه‌نگاوانه‌ی ده‌تگه‌یه‌ننه شوێنی مه‌به‌ست ئازایانه ده‌یبڕیت.
ئارامت هه‌بێت.... زانا به له‌و كاره‌ی پێی هه‌ڵده‌سیت.... كارێك بكه شاره‌زاییت لێی هه‌بێت.... له هه‌مووی گرنگتر:
ئه‌وه‌ی بۆ خودی خۆت پێت خۆشه بۆ براكه‌شت پێت خۆش بێت...
پێت خۆش بێت له به‌هه‌شتی دونیادا بژی.... له ئاگری دونیا دووری بخه‌ره‌وه.... دوعای سه‌ركه‌وتنی بۆ بكه .... نه‌رم‌و نیان به له مامه‌ڵه كردن له‌گه‌ڵی.... خۆشت بوێ...
رۆژێک دادێت لەسەر گۆڕەکەم دادەنیشی
قورئان دەخوێنی و دەگری
بەگریانەوە بانگم دەکەی لەوێ نیم
تا پێت بڵێم گیان
چەند وەڵامت دەدەمەوە گوێت لێم نابێت
دەستەکانم دەهێنم فرمێسکەکانت دەسرم
بەڵام خۆڵی سەر گۆڕەکەم ناهێڵی هەستمەوە لات بم
ئەو جارەیان بمبورە
کە بەشداری خەم و گریانت نابم
