بابه‌ت: مةلا بةختيار: ئاينى ئيسلام بة زةبر ئاينيان بةسةر كورددا سةپاندووة!
مه‌لا به‌ختیار: ئاینی ئیسلام به‌زه‌بری شمشێر و عه‌گال وعه‌باو حوشتره‌وه ئاینیان به سه‌ركورددا سه‌پاندووه وهه‌زاران ئینسانی كوردیان كوشتوه بۆ ئه‌وه‌ی موسڵمان بن، كوردستانیشیان داگیركردوه بۆئه‌وه‌ی ئیسلام به‌سه‌ر كوردا بسه‌پێنن.
[imgl]http://a2.sphotos.ak.fbcdn.net/hphotos- … 5052_n.jpg[/imgl]
پاشنیوه‌ڕۆی دوێنێ 18-10 مه‌ڵبه‌ندی كوردۆلۆژی زانكۆی سلێمانی كۆڕێكی بۆ مه‌لا به‌ختیار له‌ژێر ناوی (بیری كوردایه‌تی له‌نێوان دیموكراسی و پێچه‌وانه‌كه‌ی) سازدا، له كۆره‌دا مشتومڕیه‌ك له‌نێوان ئه‌بوبه‌كر عه‌لی ئه‌ندامی مه‌كته‌بی سیاسی یه‌كگرتووی ئیسلامی كوردستان و مه‌لا به‌ختیار كارگێڕی مه‌كته‌بی سیاسی یه‌كێتی روویدا.
له‌م كۆڕه‌دا كه بۆ مه‌لا به‌ختیار رێكخرابوو زۆر به توندی و به‌بێ هیچ به‌ڵگه‌یه‌كی زانستی و مێژووی باسی له پرۆسه‌ی ئیسلام بوونی گه‌لی كورد كرد ، مه‌لا به‌ختیار وتی (ئاینی ئیسلام به‌زه‌بری شمشێر و عه‌گال وعه‌باو حوشتره‌وه ئاینیان به سه‌ركورددا سه‌پاندووه وهه‌زاران ئینسانی كوردیان كوشتوه بۆ ئه‌وه‌ی موسڵمان بن، كوردستانیشیان داگیركردوه بۆئه‌وه‌ی ئیسلام به‌سه‌ر كوردا بسه‌پێنن).
هه‌روه‌ها وتی “ئێستا له‌كوردستاندا گروپێكی ئیسلامی دروستبووه كه‌سه‌له‌فین هه‌موو ئایدۆلۆژیایه‌ك ره‌تده‌كه‌نه‌وه‌و نه‌باوه‌ڕیان به‌ئیسلامیه‌كانه‌و نه‌باوه‌ڕیان به‌چه‌په‌كانه ده‌شڵێن ئێمه دۆستی ئێوه‌ین كه‌له‌راستیدا هیچ بڕوایه‌كم به‌ودۆستایه‌تییه نییه و جێگه‌ی مه‌ترسین”.
ئه‌بوبه‌كر عه‌لی، ئه‌ندامی مه‌كته‌بی سیاسی یه‌كگرتوو كه یه‌كێك بوو له ئامادبوانی كۆڕه‌كه وه‌ڵامی مه‌لا به‌ختیاری دایه‌وه‌‌و ره‌تیكرده‌وه كه‌كورد به‌زۆر كرابێت به‌موسوڵمان و خه‌ڵكی كوشتبێت، كاروانی وتی: به چ لۆژیكێك هێرش كردنه سه‌ر ئیمپراتۆری ساسانی یه‌كسان بكرێت به هێرشكردنه سه‌ر كورد، ده‌بێت كورد چ به‌رژه‌وه‌ندێكی له‌وه‌دا هه‌بێت كه كیسراكانی ئیمپراتۆری ساسانی خۆیان به خوا ده‌زانی و سیسته‌می به‌ندایه‌تیان هه‌بووه، له كاتێكدا ئیسلام ئاینێكه بانگهێشه‌ی برایه‌تی نێوان ئینسانه‌كان ده‌كات و یه‌كسانیان ده‌كات له به‌رده‌م خوای گه‌وره، هه‌روه‌ها ئه‌و ئاینه چه‌ندین باج و خه‌راجیشی له‌سه‌ر لابردون كه ساسانیه‌كان به زۆره ملێ به‌سه‌ریان سه‌پاندبوون، بۆیه مێژوونوسانی كورد پێمان ده‌ڵێن كه به‌شێكی زۆری كوردان پێشوازیان له ئاینی ئیسلام كردوه و هه‌روه‌ك چۆن له ئێستادا نمونه‌یه‌ك بهێنه‌وه كورد به‌رژه‌وه‌ندی خۆی له‌وه‌دا نه‌دۆزیه‌وه دژ به ئه‌مه‌ریكا بجه‌نگێت، له كاتێكدا پرۆسه‌ی رزگاری عێراقی ئه‌نجامداوه.
ئه‌بوبه‌كر عه‌لی وێرای راستكردنه‌وه‌ی ئه‌و هه‌ڵه مێژووییانه‌ی كه مه‌لا به‌ختیار تێ كه‌وتووه، وتی: من كارم به‌وه نییه مه‌لا به‌ختیار چۆن ده‌ڕوانێته ئیسلام و قه‌ناعه‌تی له‌و باریه‌وه چییه، به‌ڵكو گرنگ به‌لامه‌وه دوو شته:
1-ئه‌و ئه‌گه‌ر باوه‌ری به ئازادی بیروباوه‌ر و ئاین هه‌بێت نابێت رێگه به‌خۆی بدات هه‌ستی ئاینی هاوڵاتیانی كوردستان بریندار بكات، به‌م زمانه قسه‌كردن له‌سه‌ر ئیسلام ئه‌و برینداركردنه رووده‌دات.
2-نابێت كارێك بكرێت كێشه‌یه‌كی لاوه‌كی بۆ كۆمه‌ڵگه‌ی ئێمه قوت بكرێته‌وه و سه‌ری پێوه قاڵ بكرێت و بكرێته كه‌ره‌سته‌ی ملمڵانێ بۆ هێزه سیاسیه‌كان، كه ئه‌ویش باسی ئیسلام و كوردو نه‌ته‌وایه‌تی كوردیه، له كاتێكدا ئسلامیه‌كان و علمانییه‌كان هه‌موویان كۆكن له‌سه‌ر به‌رگریكردن له‌سه‌ر مافه نه‌ته‌وه‌یه‌كان و وه‌دیهێنانی خه‌ونی به‌ده‌وڵه‌ت بوونی كورد..
https://www.instagram.com/zasabota
