بابه‌ت: سبەی هەولێر رووبەڕووی نەجەف دەبێتەوە
سبەی دووشەم سات 14:30 (بەكاتی ناوەخۆ)، یانەی هەولێر لەناو یاریگەی خۆی مێوانداریی یانەی نەجەف دەكا لە چوارچێوەی یارییەكی دواخراوی خولی بژاردەی عێراق بۆ تۆپی پێ
هەریەكە لە ناوبژیوانان "زیا عەبدولحوسێن، عەلی زێدان، مەحموود خەلەف و سەلام عەواد" یارییەكە بەڕێوە دەبەن.
... دەستەی كارگێڕی یانەی هەولێر بڕیاری دا هاتنە ژوورەوە بۆ جەماوەر بەخۆڕایی بێت بۆ یارییەكە، بۆ ئەوەی جەماوەر لەناو یاریگە ئامادە بن بەمەبەستی پاڵپشتیكردنی یانەكەیان"
یانەی هەولێر دوای ئەوەی چوارشەمی رابردوو توانی بە ئەنجامی 3-2 گۆڵ لە یانەی كارەبا بباتەوە، ئێستە بە كۆكردنەوەی 18 خاڵ لە پلەی شەشەمی ریزبەندی دێت و بەو یارییەوەی كە سبەی ئەنجامی دەدات، سێ یاری دواخراوی هەیە.
یانەی نەجەف لە لای خۆیەوە بە كۆكردنەوەی 16 خاڵ لە پلەی هەشتەم دێت و یەك یاری دواخراوی هەیە.
