كاك ته وحيد برا  باش بزانه‌ که‌ غه‌یبه‌ت کردن ڕێگای پێدراوه‌ بۆ مه‌به‌ستێکی ڕاستی شه‌رعی که‌دروست نابێت مه‌گه‌ر به‌و شه‌ش شێوازه‌ نه‌بێت .:
1- له‌کاتی زوولم لێکراویدا، کاتێك که‌ که‌سێك زووڵم له‌که‌سێكیتر ده‌کات ئه‌ویش ده‌چێت بۆ لای قازی ودادوه‌ر که‌ مافه‌که‌ی بۆ وه‌ربگرێته‌وه‌ ، هه‌ڵبه‌ته‌ به‌شێوه‌یه‌ك باسی ده‌کات که‌ به‌رامبه‌ره‌که‌ی یان ئه‌وه‌ی که‌ زوڵمه‌که‌ی کردوه‌ پێی خۆش نی یه‌ ، هه‌روه‌کو ‎پێغه‌مبه‌رصلی الله‌ علیه‌وسلم باسی غه‌یبه‌تی کردوه‌ که‌فه‌رمویه‌تی { عن أبي هريرة، أنه قيل: يا رسول الله، ما الغيبة؟ قال: "ذكرُكَ أخاك بما يكره". قيل: أفرأيت إن كان في أخي ما أقول؟ قال: "إن كان فيه ما تقول فقد اغتبته، وإن لم يكن فيه ما تقول فقد بَهَتَّه } .
واتا: اژبو هریرة پرسیاری له‌ پێغه‌مبه‌ری خواکرد ووتی غه‌یبه‌ت چی یه‌؟ فه‌رموی :باسی براموسڵمانه‌که‌ت بکه‌یت به‌ جۆرێك که‌ پێی ناخۆش بێت. ووتیان ئه‌گه‌ر ئه‌وه‌ی که‌ باسی ئه‌که‌ین ئه‌و سیفه‌تانه‌ی تیابێت ؟ فه‌رموی ئه‌گه‌ر باسی شتێکی بکه‌یت که‌ تیایدا بێت ئه‌وا غه‌یبه‌تت کردوه‌ ، ئه‌گه‌ر باسی شتێکی کرد که‌ تیایدا نه‌بوو ئه‌وا بوهتانت بۆ هه‌ڵبه‌ستوه‌ .
جا ئه‌گه‌ر که‌سێك زوڵمیشی لێکرابوو ئه‌گه‌ر شکاتی لێکرد لای دادگای موسڵمانان ئه‌وا با به‌ئینسافه‌وه‌ باسی بکات ته‌نها ئه‌وه‌نده‌ بڵێت که‌بوه‌ زیادی نه‌خاته‌سه‌ر ، ئه‌مه‌ به‌ گه‌یبه‌ت ناژمێردرێت .

2- په‌نابردن بۆلای که‌سێك که‌ ده‌سه‌ڵاتی هه‌بێت و مه‌کانه‌تێكی هه‌بێت له‌ناو خه‌ڵکیدا به‌مه‌به‌ستی ئه‌وه‌ی که‌ مونکه‌رو شتێکی زه‌ره‌رمه‌ند له‌بدرێت ودوربخرێته‌وه‌ زیانی بۆ خه‌ڵکی نه‌بێت ، ده‌بێت بچێته‌ لای ئه‌و که‌سه‌ یان کۆمه‌ڵه‌ ده‌سه‌ڵاتداره‌ که‌ ده‌توانێت بیگۆڕێت ته‌نها ئه‌وه‌نده‌ بخاته‌ ڕوو باسی بکات و ته‌نها مه‌به‌ستی ئه‌وه‌بێت هیچ مه‌به‌ستێکی که‌ی له‌دواوه‌ نه‌بێت ده‌نا ده‌بێت به‌غه‌یبه‌ت .

3- له‌کاتێکدا که‌سێك به‌ مه‌به‌ستی فه‌تواوه‌رگردن له‌لای زانایه‌کی شه‌رع زان که‌ باسی ئه‌وه‌ بکات که‌ پیاوه‌که‌م یان ژنه‌که‌م یان باوکم یان دایکم یان هه‌ر که‌سێكیتر فڵانه‌کاری کردوه‌ یان فڵانه‌ غه‌درو زوڵمی لێمکردوه‌ ، له‌وکاته‌دا به‌دیاری کراوی ناوی نه‌هێنێت باشه‌ به‌ڵام ئه‌گه‌ر ناویشی هێنا ئه‌وا تاوانبار نابێت ، هه‌روه‌کو له‌ فه‌رموده‌که‌ی که هیندی خێزانی أبو سوفیان دا هاتوه‌ پاشتر باسی ئه‌وه‌ش ده‌که‌ین إن شاء الله‌ .
4- ئاگادارکردنه‌وه‌ی موسڵمانان له‌ شه‌ڕو شتی خراپ و ئامۆژگاری کردنیان ،ئه‌وه‌ش له‌چه‌ند ڕوویه‌که‌وه‌ ،وه‌کو بریندارکردنی ئه‌وانه‌ی که‌ فه‌رموده‌ی پێغه‌مبه‌رصلی الله‌ علیه‌ وسلم [جرح] ، ،وشاهید ئه‌وه‌ش به‌ کۆی ده‌نگی هه‌مووزانایان ڕێپێدراوه‌ به‌ڵکو واجبیشه بۆ زروره‌تی پێویست،‌ [ ئه‌مه‌ش زانایانی ئه‌و به‌شه‌ ده‌گرێته‌وه‌ ] وه‌ هه‌روه‌ها له‌کاتێكدا که‌ پرسیارکردنی که‌سێك له‌ڕووی ژن وژن خوازیه‌وه‌ ،یان له‌ڕووی کاروکه‌سابه‌تدا ، یان هه‌روه‌ها له‌ هاوسێتیشدا بۆ ناسسینی که‌سێك ، ئه‌وه‌شی که‌ پرسیاری لێده‌کرێت ده‌بێ به‌ یه‌کسانی باسی ئه‌وکه‌سه‌ بکات به‌بێ هیچ مه‌به‌ستێکی شه‌خسی خۆی هه‌بێت بۆ ئامۆژگاری کردن بێت ، لێره‌دا هه‌ڵه‌ی زۆرده‌کرێت چونکه‌ قسه‌که‌ر له‌وانه‌یه‌ ئاگای له‌خۆی نه‌بێت شه‌یتان فرسه‌تی پێ به‌رێت وزیاد وکه‌می بخاته‌ سه‌ر قسه‌کانی به‌هۆی ئه‌وه‌ی که‌ خۆی خۆشی ناوێت یان خزمێتی یان ته‌ره‌ف وهه‌وادارێتی ، ده‌بێ موسڵمان له‌وشتانه‌ به‌ئاگابێت ،یان که‌سێك که‌ صالح وباش نه‌بێت یان زه‌ره‌ری بۆخه‌ڵکی هه‌یه‌ له‌وکاته‌دا ده‌بێ باسی بکرێت له‌لای ده‌سه‌ڵاتی باڵای گشتی [ مه‌به‌ست له‌م ده‌سه‌ڵاته‌ گه‌نده‌ڵانه‌ نی یه‌ که‌ ئێستا هه‌یه‌ به‌ڵکو ده‌سه‌ڵاتی موسڵمانان ] بۆ ئه‌وه‌ی که‌ به‌ڵاو زه‌ره‌ره‌که‌ی لابدرێت ودووری بخه‌نه‌وه‌ له‌ به‌رژه‌وه‌ندی گشتی ، ده‌بێ هه‌وڵی له‌گه‌ڵدا بدرێت بۆئه‌وه‌ی که‌ به‌خۆیدا بچێته‌وه‌و خۆی چاك بکات بیگۆڕی به‌باش .
5- له‌کاتێكدا که‌ به‌ئاشکرا فاسقی خۆی ئاشکرابکات وه‌کو ئه‌وه‌ی که‌ به‌ئاشکر مه‌شروبی حه‌رام بخوات ، یان ئه‌وه‌ی که‌ ماڵی خه‌ڵکی داگیر بکات و پاره‌ومافی خه‌ڵکی داگیربکات وبیخوات به‌ زوڵم ، یان ئه‌وه‌ی که‌ کاری باطل و پوچ بکات وبیگرێته‌ ده‌ست ، ئه‌وجا ئه‌وشتانه‌ی که‌ ئاشکرایه‌تێیدا ده‌شێت باسی بکرێت و خه‌ڵکی لێ ئاگادار بکرێته‌وه‌ ، به‌ڵام ئه‌گه‌ر شتێکی که‌ی هه‌بوو نهێنی وئاشکرانه‌بو ئه‌وا ناشێت باسی بکرێت مه‌گه‌ر به‌ هۆیه‌کی که‌وه‌ له‌وهۆیانه‌ی که‌ پێشتر باسمان کرد .

6- بۆناساندن ئه‌گه‌ر که‌سێك به‌ناوێکی تایبه‌ته‌وه‌ ناسراوبو ،وه‌کو شه‌ل وکوێرو که‌ڕو که‌چه‌ڵ ودرێژ وکورت ...ئه‌وناوانه‌ی که‌ پێی ناسراوه‌ و نه‌ناسرێته‌وه‌ به‌وناوه‌نه‌بێت ، به‌ڵام ئه‌گه‌ر توانرا ئه‌وناوانه‌ش به‌کار نه‌هێنرێت ئه‌گه‌ر پێویستی نه‌کرد ، به‌ڵام به‌هیچ شێوه‌یه‌ك نابێت که‌ بۆ که‌موکوڕی که‌سه‌که‌ باسی بکرێت یان شکاندنه‌وه‌ی و که‌مکردنه‌وه‌ی که‌سایه‌تی یه‌که‌ی بێت .