بابه‌ت: كه‌مپینی(پێمان بگه‌ینن،پێمان بگه‌ینن)بۆداكۆكی قوتابیان ڕاگه‌یه‌ندرا.
[size=16]بەناوی خودای بەخشندەی میھرەبان
بۆڕای گشتی و وەزارەتی پەروەردە
ڕاگەیاندنی کەمپینی(تێمان بگەینن,پێمان بگەینن)بۆ داکۆکی لە قوتابییان و خوێندکارانی ئامادەیی لە ھەرێمی کوردستان.
وەکو خەڵکی کوردستان و لایەنی پەیوەندیدار ئاگادارن سەبارەت بەو بارودۆخەی دەگوزەرێت لە ئێستادا لە بواری خوێندن لە ھەرێمی کوردستان لەڕووی سەرکەوتویی پەروەردەو فێرکردن بەسیستەمی نوێی خوێندن,لەچەندین لاوە قوتابی و خوێندکاران ڕژاونەتە سەر شەقامەکان و داواکانیان دەگەیەنن بە لایەنی پەیوەندی دار.ئێمەش وەکو چینی قوتابی و خوێندکارانی شاری ھەولێرو دەورووبەری لەشێوەی کەمپێنێکدا خۆمان دەنوێنین کە ھەڵقوڵاوی ئەو بارودۆخەی قوتابی و خوێندکارانین لە ھەرێمدا.ھەوڵ دەدەین پەیام و کەمپینمان نوێنەرایەتی تەواوی داخوازی قوتابی و خوێندکارانی ھەرێمی کوردستان بکات.لەم ڕێگەیەوە وەکو كه‌مپینی(تێمان بگەینن,پێمان بگەینن)ھەڵدەستین بەسازدانی خۆپیشاندانێکی ھێمنانەو چارەسەر ویستانە بۆبەردەم وەزارەتی پەروەردەی ھەرێمی کورستان و بە گوڵباران کردن و دەست گوشین سوپاسی ماندووبوونی چەندساڵەیان بکەین کەچۆن لەدوای ڕاپەڕینەوە ھەڵدەستن بە پەروەردەکردن و فێرکردنی چینی قوتابیان.ھەوڵ و کارەکانیان بەرز دەنرخێنین کە چۆن ھۆکارێکبوون بۆ بەردەوامی دان بە خوێند بێ بوونی مووچەبووبوون بە فاکتەرێکی بەھێز بۆ وەستاندنی شەڕی ناوەخۆ.بۆ ئه‌م مه‌به‌سته‌ش ڕۆژی شه‌ممه داواكاری مۆڵه‌تی فه‌ڕمی پیشكه‌شی لێژنه‌ی تایبه‌تمه‌ند به مۆڵه‌ت به‌خشین ده‌كه‌ین بۆ خۆپیشاندان له ڕۆژی یه‌ك شه‌ممه(13-2-2012)له پاڕكی شانه‌ده‌ره‌وه بۆ به‌رده‌م وه‌زاره‌تی په‌روه‌رده و چاوه‌رێی
لەم ڕوانگەیەوە ئێمە وەکو دەستەی کەمپینی(تێمان بگەینن,پێمان بگەینن)داواکاری و بۆچوون و تێڕوانینی قوتابی و خوێندکاران بەگشت پۆلەکانی قۆناغی ئامادەیی و ئێواران لەیاداشتێکدا دەگەیەنین بەوەزارەتی پەروەردەو ھەوڵ دەدەین بگەینە ڕێگا چارەیەکی گونجاو و پێویست بۆ ئەم دۆخە.
ئێمە تەواوی سیستەمەکە ڕەت ناکەینەوەو دژی ناوەستین,بەڵکو چەند خاڵێک و چەند بڕگەو بڕیارێکی سیستەمەکە ڕەت دەکەینەوە و داخوازی چارەسەری پێویست و گونجاو دەکەین لەلایەن وەزارەتەوەو بەھەماھەنگی لەگەڵ ویستی قوتابیان و ھەڵسەنگاندنی وەزارەت.
بەھیوای گرتنی ڕێگا چارەی پێویست بۆ بەسەرکەوتوویی بردنی ئەم کەمپین و خۆپیشاندانە.
دەستەی ڕێکخەری خۆپیشاندان و کەمپینی(تێمان بگەینن,پێمان بگەینن)
پێنج شەممە
٩-٢-٢٠١٢
[/size]
تێبینی:تكایه ئه‌م بڵاوكراوه‌یه به‌هه‌موولایه‌كدا بڵاوكه‌نه‌وه بۆ ئه‌وه‌ی پیشنیاری هه‌مووان بگات به‌ده‌ستی ئه‌م كه‌مپینه
