[size=16]لە یاری کرانەوەی قۆناغی 16ـی خوولی چامپیۆنزلیگ بۆ وەرزی 2011-2012 یانەی بایێر لیڤێرکوزن لەسەر یاریگای خۆی پێشوازی لە یانەی بارسێلۆنا کرد و بە یەکەوە شریتی دەست پێ کردنەوەی پاڵەوانیەتیەکەیان پچڕاند.

یارییەکە لەسەر یاریگای بـــای ئارێنا و بە ناوبژیوانیەتی کرێگ تۆماس ـی سکۆتلەندی و لە کەش و هەوایەکی باراناویدا یارییەکە بەڕێوەچوو تیادا بلوگرانا توانی بە ئەنجامی 1-3 سەرکەوتن بەدەست بهێنێت،بارسا هەرچەندە بە بارودۆخێکی سەختدا تێدەپەڕێت بەڵام توانی ئاستێکی بەرز پێشکەش بکات هەرچەندە نەیتوانی دەرفەتی زۆر بۆ گۆڵ تۆمار کردن دروست بکات.

لە گێمی یەکەمی یارییەکە بارسا بە شێوەیەکی نیمچە تەواو کۆنتڕۆلی یارییەکەی کرد و ڕێژەی کۆنتڕۆل کردنی تۆپ گەیشتە 78% لە ساتێکی یارییەکە و ئەمەش ژمارەیەکی گەورەیە لە خوولی چامپیۆنزلیگ،دوای فشار کردنە سەر گۆڵی یانەی بۆندسلیگا ئەوا لە خوولەکی 41 یاریزان ئالێکسیس سانچێز توانی گۆڵی یەکەم بۆ تیمەکەی و یەکەم گۆڵی خۆی لە چامپیۆنزلیگ بە درێژایی کاروانی خۆی تۆمار بکات،لە گێمی دووەمدا لیڤێرکوزن بە ڕۆحێکی بەرزەوە دەستیان بە یارییەکە کرد و ئەوەبوو لە خوولەکی 52 یاریزان میشێل کادلیچ گۆڵی وەکهەڤبوونی تۆمار کرد و هیوایەکی گەڕاندەوەی بۆ بایێر،بەڵام زۆری پێنەچوو تاکو دووبارە ئەستێرەی نێونەتەوەیی چیلی سانچێز گۆڵی دووەم بۆ تیمەکەی تۆمار بکات،بەڵام لە دوا خوولەکەکاندا ئەستێرەی یەکەمی جیهان لیۆنێل مێسی گۆڵی سێیەمی تۆمار کرد و ڕێژەی گۆڵەکانی لە چامپیۆنزلیگ بەرز کردەوە بۆ هەشت گۆڵ.

بڕیارە یاری گەڕانەوەش لە 7ـی مانگی مارس/ئادار ـی داهاتوو لەسەر یاریگای کامپ نو ئەنجام بدرێت.[/size]

yariga