هونەرمەند عەزیز وەیسی، لەدوا سەردانی بۆ شاری دهۆك سەردانی كەناڵی ئاسمانی ڤین تیڤی كرد و بۆ ئەلبوومە تازەكەی گرێبەستێكی لەگەڵ ئەو كەناڵە ئیمزاكرد.
لەبارەی ئەلبوومە تازەكەی كە نێوی لێناوە (مریەم)، هونەرمەند عەزیز وەیسی بە(رووداو)ی راگەیاند “بڕیارمدا ئەلبوومێكی گۆرانی بۆ نەورۆز ئامادەبكەم، بۆ ئەوەی زۆرتر خزمەتی گوێگرانم بكەم، ئەلبوومەكە لە 8 تراك پێكدێت و لەجەژنی كوردان واتە نەورۆز بڵاودەبێتەوە”.
هەروەها عەزیز وەیسی ئاماژەی بەوەشكرد كە كاری موزیكی ئەم ئەلبوومە بەشێكی لە باشووری كوردستان و بەشەكەی دیكەی لە رۆژهەڵاتی كورستان ئەنجامدراوە. هەروەها چەند گۆرانییەكی ئەو ئەلبوومەش كلیپ دەكات “چەند تراكێكم لەم ئەلبوومە كلیپ كردووە، ئینشاڵڵا هەر لەجەژن بڵاویاندەكەمەوە”.
ئەلبوومی (مریەم) بەسپۆنسەری (ئێن ڤی پرۆدەكشن) چاپ و بڵاودەبێتەوە