بابه‌ت: به ده‌رخستنی راستییه‌کان له‌سه‌ر نه‌رگیله:-
[center]
[/center]
[size=16]ده‌ڵێن کێشانی نه‌رگیله زیانی که‌متره له کێشانی جگه‌ره! هه‌روه‌ها ده‌ڵێن نه‌رگیله نابێته هۆی روودانی شێرپه‌نجه‌ی سینگ! ده‌ڵێن نه‌رگیله بۆنی خۆشه! له‌گه‌ڵ ئه‌وه‌ش ده‌ڵێن کێشانی نه‌ره‌گیله بۆ ماوه‌ی یه‌ک کاتژمێر به قه‌د کێشانی 10 جگه‌ره هه‌یه! ده‌ڵێن نه‌رگیله له رۆژهه‌ڵاتی ناوه‌ڕاسته‌وه سه‌ری هه‌ڵداوه و ره‌سه‌نه، بۆیه سه‌لامه‌ته!! هه‌روه‌ها ده‌ڵێن دووکه‌ڵی نه‌رگیله وه‌ک جگه‌ره گه‌رم نییه و نابێته هۆی سووتاندنی ناوپۆشی سییه‌کان!! چه‌ندانی هه‌ڵه‌ی تر له باره‌ی نه‌رگیله له‌م نووسینه راست ده‌کرێنه‌وه.
نه‌رگیله، شیشه یا هووکه
نه‌رگیله، شیشه یا هووکه هه‌موو یه‌ک شته، به‌ڵام له ووڵاتی جیاواز ناوی جیاوازی بۆ داندراوه، له تورکیا و سوریا به نێرگله ناسراوه، له سودان و مسر به شیشه هه‌روه‌ها له هینددستان به هووکه. هه‌ندێکیان له قوڕ دروستکراون، هه‌ندێکی تریان له ئاسن و پلاستیک، به‌ڵام هه‌موویان له‌سه‌ر یه‌ک بنچینه دروستکراون ئه‌ویش کێشانی تووتنی بۆنداره که به‌ناو ئاو بڵقه‌بڵق ده‌کات.
راستییه‌کان
- کێشانی نه‌رگیله بۆ ماوه‌ی یه‌ک کاتژمێر به قه‌د کێشانی دووکه‌ڵی 100 بۆ 200 جگه‌ره‌یه! به پێی لێکۆڵینه‌وه‌یه‌ک که له ووڵاتی به‌ریتانیا ئه‌نجامدراوه له لایه‌ن دامه‌زراوه‌ی دڵی به‌ریتانی، له 84% ئه‌و که‌سانی نه‌رگیله ده‌کێشن وا تێگه‌یشتوون که کێشانی نه‌رگیله بۆ ماوه‌ی یه‌ک کاتژمێر به قه‌د 10 جگه‌ره‌یه! دڵنیام هه‌مان تێگه‌یشتن هه‌یه له‌ناو نه‌رگیله کێشه‌کانی خۆشمان!
- راسته کێشانی تووتن که به ناو ئاو تێپه‌ڕده‌بێت، گه‌رمییه‌که‌ی که‌متره وه‌ک له کێشانی جگه‌ره، به‌ڵام ئه‌م تێپه‌ڕکردنه یا بڵق پێکردنه به ناو ئاو له کاریگه‌رییه شێرپه‌نجه‌یه‌کانی مادده کیمیاوییه‌کان که‌م ناکاته‌وه، به قه‌د کێشانی جگه‌ره کێشه‌ی سینگ و دڵ دروست ده‌کات.
- کێشانی نه‌رگیله سه‌ختتر له کێشانی جگه‌ره ده‌بێت هۆی ئاڵووده‌بوون، چ نه‌رگیله چ جگه‌ره هه‌ردووکیان سووتاندن و کێشانی تووتنه، که مادده‌ی نیکۆتینی تێدایه، ئه‌م مادده‌یه‌ش تووشی ئاڵووده‌بوون به جگه‌ره یا نه‌رگیله ده‌کات.
- راسته تووتنی نه‌رگیله بۆندار ده‌کرێت به بۆنی میوه‌ی جیاواز یا له‌گه‌ڵ هه‌نگوین و شیرنی تێکه‌ڵ ده‌کرێت، به‌ڵام تووتن هه‌ر تووتنه! هیچ له کاریگه‌رییه شێرپه‌نجه‌ییه کیمیاوییه‌کانی ناگۆڕدرێت.
- به به‌راورد له‌گه‌ڵ جگه‌ره‌کێشان، نه‌رگیله بڕی زیاتر له مادده‌ی ئارسینک و قوڕقووشم و نیکلی تێدایه، هه‌روه‌ها 36 جار زیاتر تار و 15 جار زیاتر یه‌که‌ئۆکسیدی کاربۆنی تێدایه.
ئه‌وه‌ی ماوه‌ی باسی بکه‌ین، به ده‌رخستنی راستییه‌کان له‌سه‌ر نه‌رگیله مانای ئه‌وه‌ی نییه جگه‌ره سه‌لامه‌تره و باشتره بکێشرێت!! به‌ڵکو هه‌ردووکیان "نه‌رگیله و جگه‌ره" هۆکاری ناسراوی نه‌خۆشییه‌کانی دڵ و لووله‌کانی خوێن و شێرپه‌نجه‌ی سییه‌کانن.[/size]
