بابه‌ت: پێکھاتەی ھەڵبژاردەی کوردستان بۆ پاڵەوانیەتیی فەڵەستین ئاشکرا کرا
[size=16]ئەرسەلان عەبدوڵڵا
یەکیەتیی تۆپی پێی کوردستان ئەمڕۆ ھەینی ناوی ستافی شاند و پێکھاتەی ھەڵبژاردەی کوردستانی بۆ پاڵەوانیەتیی تۆپی پێی نێودەوڵەتیی فەڵەستین ئاشکرا کرد و بڕیاریشە تیپەکە بەرەبەیانی سبەی لە رێی فڕۆکەخانەی نێودەوڵەتیی ھەولێرەوە بەرەو فەڵەستین بکەوێتە رێ.
سەلام حوسێن سکرتێری یەکیەتیی تۆپی پێی کوردستان رایگەیاند: شاندی ھەڵبژاردەی تۆپی پێی کوردستان بەرەبەیانی سبەی شەممە کاتژمێر ٣ی بەرەبەیانی بەرەو فەڵەستین دەکەوێتە رێ بە مەبەستی بەشداریکردن لە پاڵەوانیەتیی نێودەوڵەتی فەڵەستین.
بە پێی راگەیاندراوی فەرمی یەکیەتیی تۆپی پێی کوردستان، شاندی ھەڵبژاردەی کوردستان پێکھاتووە: لە سەفین کانەبی سەرۆکی شاند، سەلام حوسێن جێگری سەرۆکی شاند، نەوزاد قادر نوێنەری لیژنەی ئۆڵمپیی ھەرێمی کوردستان، عومەر خەتاب ئەندام، ئەرسەلان عەبدوڵڵا رۆژنامەنووس، جاسم محەممەد وێنەگر.
عەبدوڵڵا مەحموود راھێنەر، سەمیر سدیق و سلێمان رەمەزان یاریدەدەرانی راھێنەر، سایغن شەوکەت راھێنەری گۆڵپارێزەکان، یاریزانانەکانیش بریتیین لە ( غەفوور عوسمان، نەریمان خدر، محەممەد حەمەخان، ئاراس محەممەد، عەلی عەزیز، ئارام فەتاح، کارزان عەبدوڵڵا، ئامانج عومەر، رەنج بەھائەدین، بەیار ئەبوبەکر، بارزان شێرزاد، ھونەر ئەحمەد، ھەردی نورەدین، میران کەریم،میران خەسرەو، نەوزاد شێرزاد، کۆسرەت باییز، ئامانج کەریم، کاوە دینۆ، مازن عەزیز، پرسیار عەبدولرەزا، سەباح حەسیب، شکار موحسین، فەرحان شوکر)".
ھەڵبژاردەی کوردستان یەکەمجارە بەشداریی پاڵەوانیەتییەکی نێودەوڵەتی دەکات، کە یەکیەتیی تۆپی پێ نێودەوڵەتی FIFA دانی پێدا ناوە.
پاڵەوانیەتیی فەڵەستین ١٤ی ئەم مانگە بە بەشداریی ١٠ ھەڵبژاردە دەست پێ دەکات، کە بەسەر ٣ گرووپدا دابەشکراون و پاڵەوانیەتییەکەش تا ٢٣ی مانگ بەردەوام دەبێت.
کوردستان لە گرووپی دووەمی پاڵەوانیەتییەکەیە لە تەک ھەڵبژاردەکانی ئۆزبەکستان و ئیندۆنسیا.
ھەڵبژاردەی کوردستان یاریی یەکەمی سێشەممەی داھاتوو بەرامبەر ھەڵبژاردەی ئۆزبەکستان ئەنجام دەدات و یاریی دووەمیشی بەرامبەر ئەندۆنیزیایە لە رۆژی ١٩ی ئەم مانگەدا[/size]
س:fb
