[center][size=18]
که‌رسته‌کانی خوا

باسێك ده‌گێرنه‌وه‌ له‌ پیاوێکی ئاینی ، که‌ باوه‌رێکی توندی به‌ خوداوه‌ند بوو.
ئه‌و هه‌موو رۆژ نزا و ده‌ستوره‌ ئایینیه‌کانی به‌ جێ دێنا و له‌و باوه‌ره‌ بوو ئه‌گه‌ر له‌ شویێنك کێشه‌یه‌ك بێته‌ ئاراوه‌ خوا له‌ مه‌ترسی رزگاری ده‌کا
رۆژێکیان باران ده‌ستی پێکرد. له‌ گونده‌که‌ی کابرا لافاو هه‌ستا و هه‌مووان به‌په‌له‌ رایان کرد چه‌ند که‌سێك که‌ سواری ئۆتۆمبیل بوون له‌به‌رده‌م ماڵه‌که‌یه‌وه‌ تێده‌په‌ڕین زۆریان لێکرد که‌ سواری ئۆتۆمبیل بێت و گیانی خۆی رزگار بکات.
به‌ڵام ئه‌و پیاوه‌ جوابی دانه‌وه‌ " خوا رزگارم ده‌کات "
بارین به‌رده‌وام بوو و ئاو نهۆمی یه‌که‌می ماڵه‌که‌ی گرته‌وه‌ کابرا ناچار بوو بچێت بۆ نهۆمی دووه‌م تاکو نوقم نه‌بێت به‌له‌مێك له‌ ڕێوه‌ گه‌یشت چه‌ند که‌سێك تێیدا دانیشتبوون گوشاریان بۆ کابرا هێنا که‌ له‌گه‌ڵیاندا بڕوات و گیانی خۆی رزگار بکات
جارێکی تر جوابی دانه‌وه‌ " زۆر سوپاستان ده‌که‌م خوا رزگارم ده‌کات "
زۆری نه‌خایاند که‌ ناچار بوو بۆ خۆپاراستن له‌ لافاو بچێته‌ سه‌ربان هه‌لیکۆپته‌رێك گه‌یشت ، فرۆکانه‌وانه‌که‌ به‌ هاواره‌وه‌ پێی وت " گوریسێك شۆڕ ده‌که‌مه‌وه‌ ، ده‌ستی پێوه‌ بگره‌ تاکو هه‌ڵتبکێشمه‌ سه‌ره‌وه‌ "
کابرا له‌ وه‌ڵامدا وتی : " سوپاسی چاکه‌ت ده‌که‌م ، به‌لام خوا رزگارم ده‌کات"
دوای چه‌ند خوله‌ك ئاوه‌که‌ زیاتر به‌رز بۆوه‌ و کابرای نوقم کرد، له‌ دوا ڕۆژدا ئه‌و پیاوه‌ چووه‌ به‌هه‌شت ، له‌ به‌هه‌شت چاوی به‌ خوا که‌وت
خوا وتی : " بریار نه‌بوو تۆ لێره‌ بیت ! ئه‌جه‌لت نه‌هاتبوو ، لێره‌ چی ده‌که‌یت ؟"
پیاوی ئاینی به‌ خوای وت " چه‌نده‌ی چاوه‌رێم کرد رزگارم بکه‌یت ئه‌و کاره‌ت نه‌کرد ، من باوه‌ڕم به‌ تۆ بوو ، وامزانی رزگارم ده‌که‌یت به‌ڵام نه‌تکرد چاوه‌رێت بووم به‌ڵام نه‌هاتی چی روویدا دابوو؟ "
خوا جوابی دایه‌وه‌ : " ئۆتۆمبیلێك و به‌له‌مێك و هه‌لیکۆپته‌رێکم بۆ ناردی ئیتر چیت ده‌ویست "

ئا : one[/size][/center]

دەڵێن شێت بووە ،دەست و پێی کۆت و بەند کەن!
دەڵێم: دڵ شێت بووە
دەست و پێ چ بکا؟!