بابه‌ت: كێ ئێسكۆباری كوشت؟
نزیکه‌ی 18 ساڵ بەسەر ڕووداوی كوشتنی یاریزانی تۆپی پێی كۆڵۆمبیایی (ئەندریاس ئێسكۆباڕ)ـدا تێپەڕ دەبێت،
ئێستایش ئەو ڕووداوە بە دڵتەزێنترین ڕووداوی مێژووی جامی جیهانی هەژمار دەكرێت.
(ئێسكۆبار) كە بەرگریكاری هەڵبژاردەی كۆڵۆمبیا بوو لە جامی جیهانی ساڵی 1994 لە ئەمەریكا
دوای 10 ڕۆژ لە كۆتایی یارییەكانی ئەو جامە لە كۆڵۆمبیا كوژرا.
ئەو ساڵە، كۆڵۆمبیاییەكان بە گوڕ و تینەوە بەشداریان لە جامی جیهانیدا كرد و
لە گەڕی یەكەم سەركەوتن و لە گەڕی دووەمی پاڵەوانەتییەكە بەرانبەر بە
هەڵبژاردەی تۆپی پێی ئەمەریكا كە خاوەنداریی پاڵەوانەتییەكەی دەكرد بە 2 گۆڵ بەرانبەر بە گۆڵێك كرانە دەرەوە.
(ئیسكۆبار) لەو یارییەدا بە هەڵە گۆڵێكی لە هەڵبژاردەكەی خۆیان تۆمار كرد و
كۆڵۆمبیا كرایە دەرەوە، دوای 10 ڕۆژ لەو گۆڵە (ئیسكۆبار) لە یەكێك لە یانەكانی كۆڵۆمبیا كوژرا.
لە ئێستایشدا باس لەوە دەكرێت ئەو یاریزانە بە دەستی ئەو بازرگانانەی
ماددەی هۆشبەرەوە كوژراوە كە لە یاریی نێوان كۆڵۆمبیا و ئەمەریكادا
گرەویان لەسەر كۆڵۆمبیا كردبوو و پارەیەكی زۆریان دۆڕاندووە بۆیەیش وەكوو تۆڵە كوشتوویانە
رۆژنامه‌ی هه‌ولێر
