بابه‌ت: ئیسپانیەکان “کریستیانۆ ڕۆنالدۆ”یان پێ شیاوتر بوو لە ھاولاتیەکەیان
ئیسپانیەکان “کریستیانۆ ڕۆنالدۆ”یان پێ شیاوتر بوو لە ھاولاتیەکەیان
نووسەر: سۆران لوقمان
دوێنێ یاریزانی ئیسپانی ئەندریاس ئەنیێستا بووە باشترین یاریزانی ئەوڕوپا و بەپێش ھەریەک لە کریستیانۆ ڕۆنالدۆی پرتوگالی و لیۆنێل مێسی ئەرژەنتینی کەوت .
دەست نیشانکردنی باشترین یاریزانی ئەوڕوپا بەپێی دەنگدانێک بوو کە ٥٣ ڕۆژنامە نووس بە نوێنەرایەتی ھەر ٥٣ولاتە ئەوڕوپیەکە دەنگیان بە یەکێک لە سێ یاریزانە پالێوراوەکان دەدا ، دوای ئاشکرا بوونی ئەنجامی دەنگدانەکان ، یەکێتی تۆپی پێی ئەوڕوپا ناوی ئەو ولاتە ئەوڕوپیانەی ئاشکرا کرد کە دەنگیان بە یاریزانە کانداووە ، بەلام ئاشکراکردنەکەی یوفا ھەمووانی تووشی شۆک کرد کاتێک ئاشکرایکرد ئەو ڕۆژنامەنووسە ئیسپانیەی کە نوێنەرایەتی ولاتی ئیسپانیای دەکرد ، دەنگی بە یاریزان ئەنیێستای ھاونیشتیمانی نەداوە ، بەلکو ڕۆنالدۆی پرتوگالی بە باشترینی ئەوڕوپا ھەلبژاردووە.
ئەم ھەلوێستەی ئەو ڕۆژنامەنووسە ئیسپانیە ، مقۆمقۆیەکی گەورەی لە ئیسپانیا ناوەتەوە کە ھەندێک لە ئیسپانیەکان ئەم ھەلوێستەی نوێنەرەکەیان بە کارێکی ھەلە وەسف دەکەن ، لەبەر ئەوەی بەدەست ھێنانی نازناوی باشترین یاریزانی ئەوڕوپا لەلایەن ھاولاتیەکەیان بە نازناوێک بۆ ولاتەکەیان ھەژمار دەکرێت ، ھەندێکی تریش کارەکە بە کارێکی ئاسایی دادەنێن و دەلێن:”لەوانەیە نوێنەرەکەمان ڕای تایبەتی خۆی خستبێتە روو ، دوور لە ولاتپەرستی بیری کردبێتەوە و دەنگی بە کوڕە پرتوگالیەکە دابێت” .
تۆ بلێی ڕۆژنامە نووسە ئیسپانیەکە ھاندەری ڕیال مەدرید نەبێت و بیری لە ھەلبژاردن لە نێوان “مەدرید و بەرشلۆنە”کردبێتەوە ، نەوەک لە نێوان”ئیسپانیا و پرتوگال”.
ئایا ئەگەر ئێوەی خوێنەر لە شوێنی ڕۆژنامە نووسە ئیسپانیەکە بوونایە ، دەنگتان بە کێ دەدا ؟ و بۆ؟
yariga net
[/center]
