بابه‌ت: دوعایەك، کە شەیتانی تۆقاند و گریاند
لەو بابەتەدا، تیشك دەخەینە سەر دوعایەکی گەورە، کە بەوە ناسراوە، کە شەیتانی گریاندووە، تەنانەت شەیتان زۆر لێی دەترسێت و خوازیارە کەس نەیخوێنێت.لە سەرەتاوە دەمەوێت ئاماژە بەوە بدەم، کە دوعایەکە، لە پێشەوای
گەورە ( موحەممەدی کوڕی واسیع) هاتووە، سەبارەت بە گەورەیی ئەو پێشەوایەش، دەبێ بزانین، کە زانایانی پێشینە، وەها وەسفی دەکەن: کەسێکی خواناس و ڕاستگۆ بووە، وە بەوە ناسراو بووە کە دوعاکانی قەبول دەبوون، وە عیبادەتی ئاشکرای نەبووە، بەڵکە عیبادەتەکەی هەموو پەنهان بووە، وە ئەگەر پرسیار بکرابوایە سەبارەت بەوەی کێ چاکترین خەڵکی بەسڕەیە، دەیانووت: ( موحەممەدی کوڕی واسیع)، ئەمەم بۆ ئەوە باسکرد، تاوەکو بزانن ئەو پیاوە، کەسێکی متمانەپێکراوە و جێی ڕەزامەندییە.
له پێشه‌وا ( موحەممەدی کوڕی واسیع)هاتووه، كه هه‌موو ڕۆژێك، به خوێندنی دوعایه‌كی تایبه‌ت، له خوای گه‌وره پاڕاوه‌ته‌وه، بۆیه جارێكیان شه‌یتان هاتۆته لای و پێیووتووه: ئه‌ی پێشه‌وا، په‌یمان ده‌ده‌م كه هه‌رگیز دوودڵی و ڕاڕاییت (وسوسة) بۆ دروست ناكه‌م و فه‌رمانت پێناكه‌م بۆ سه‌رپێچیكردن، به‌ڵام به مه‌رجێك..
به خوێندنی ئه‌و دوعایه له خودا نه‌پاڕێیته‌وه و، ئه‌و دوعایه فێری كه‌س نه‌كه‌یت!!، پێشه‌وا به شه‌یتان ده‌ڵێت: نه‌خێر، هه‌ر كه‌سێك ببینم، ئه‌و دوعایه‌ی فێر ده‌كه‌م، تۆش چ ده‌كه‌ی، بێمنه‌ت به بیكه.
دوعایه‌كه‌ش ئه‌مه‌یه:
اللهم إنك سلّطت علينا عدوا عليما بعيوبنا.. يرانا هو و قبيله من حيث لا نراهم.. اللهم آيسه منا كما آيسته من رحمتك.. و قنطه منا كما قنطته من عفوك ...... و باعد بيننا و بينه كما باعدت بينه و بين رحمتك و جنتك.
واته: خودایه، تۆ ده‌سته‌ڵاتت داوه‌ته دوژمنێكمان، كه ئاگاداره به خه‌وش و عه‌یبه‌كانمان، ئه‌و و داروده‌سته‌كه‌ی ده‌مانبینن، كه ئێمه نایانبینین.. خودایه، ئه‌و دوژمنه بێهیوا بكه له ئێمه، وه‌كو چۆن له میهره‌بانی خۆت بێهیوات كرد.. خودایه، نائومێدی بكه له ئێمه، وه‌كو چۆن له لێخۆشبوونی خۆت بێئومێدت كرد.. خودایە، ئێمه و ئه‌و له یه‌كتر دوور بكه‌ره‌وه، وه‌كو چۆن ئه‌وت له ڕه‌حمه‌ت و به‌هه‌شتی خۆت دوور كردۆته‌وه..
هیوادراین هه‌موو لایه‌ك ئه‌و دوعایه بخوێنێت و فێری موسڵمانی بكات، خوای گه‌وره پاداشتی خێری هه‌موو لایه‌كمان بداته‌وه.
تێبینی/ ئه‌و دوعایه له په‌رتووكی (احیا‌ء علوم الدین) دانراوی (ئیمامی غه‌زالی) هاتووه.
سه‌رچاوه:په‌یجی نه‌وه‌كانی صلاحه‌دین
