بابه‌ت: گه‌ڕان به‌دوای به‌خته‌وه‌ریدا ...!
گه‌ڕان به‌دوای به‌خته‌وه‌ریدا ئاوات و ئاره‌زووی هه‌موو به‌شه‌رییه‌ته و هه‌ریه‌كه‌و به‌شێوه‌یه‌ك به‌دوایدا ئه‌گه‌رێ. بۆ نزیك بونه‌وه‌ی زیاتر له‌م باسه گرنگه ئه‌م به‌سه‌رهاته بخوێنینه‌وه به‌ڕێزان خوای گه‌وره به‌یه‌كه‌مین ماڵ و مه‌نزیله‌تمان شاد بكاته‌وه ان شاء الله كه به‌هه‌شته ئامین.
جوتیارێك هه‌بوو باخ و بێستانێكی زۆر زۆر گه‌وره و خۆشی هه‌بوو به‌ڵام به‌خته‌وه‌ر نه‌بوو، پرسیاری كرد له خه‌ڵكی به‌خته‌وه‌ری چۆن به‌ده‌ست دێت. پێیان ووت شوێنێكی زۆر دوور هه‌یه پڕه له‌ئاڵتون له ناوو شاخ و كێوه‌كاندایه، به‌ڵام پێویستی به‌پاره‌یه‌كی زۆر و هیلاكی‌یه‌كی زور و سه‌بر وته‌حه‌مول هه‌یه. جوتیاره‌كه ووتی كێشه نییه به‌رامبه‌ر به‌ده‌ست هینانی به‌خته‌وه‌ری. هه‌ستا باغ و بێستانه‌كه‌ی فرۆشت به پیاوێك و به‌پاره‌كه‌ی هه‌ندێ شتوومه‌كی سه‌فه‌ری ناوو شاخ و داخی پێ كڕی و له‌گه‌ڵ هه‌ندێ له‌وانه‌ی كه به‌دوای ئه‌م جۆره به‌خته‌وه‌ريیه‌دا ده‌گه‌ڕێن كه‌وته رێ. ئه‌و پیاوه‌ی بێستانه‌كه‌ی كڕی‌یه‌وه كه‌وته ناو باخه‌كه‌ی به‌چاندن و بژاركردن و ڕێكخستن و ڕازاندنه‌وه و ئاوودان، هه‌موو ڕۆژێك خه‌ریكی خزمه‌تی ئه‌م بێستانه بوو زۆر زۆر خۆی تیادا هیلاك ده‌كرد چه‌ند ساڵێك، به‌شێوه‌یه‌ك به ده‌قه و سه‌عات و ڕوژ و مانگ و ساڵه‌كانی تا بێستانه‌كه‌ی یه‌كه‌مین بێستانی ئه‌و ناوچه‌یه بوو، هه‌موو خه‌لك باسیان ده‌كرد له‌خۆشی و به‌روبومه به‌تامه‌كه‌ی.
ڕۆژێكیان له بن دره‌خته‌كاندا هه‌ندێك گیای زه‌ره‌رمه‌ند ڕوابوو، ساحیب باغه‌كه كه‌وته هه‌ڵكێشانی ئه‌م گیایانه، بنجه گیایه‌ك به‌سه‌ختی هه‌ڵی كه‌ند، له‌كاتی ڕاكێشانیدا پارچه‌یه‌ك ئاڵتون ده‌رچوو له‌گه‌ڵیا، برامان باوه‌ڕی نه‌ئه‌گرد كه‌وته هه‌ڵكه‌ندنی زه‌وییه‌كه، كاتێ سه‌یری كرد ئه‌و ئاڵتونه‌ی كه خه‌ڵكی باسیان ئه‌كرد و جوتیاری به‌سه‌زمان عه‌وداڵی ببوو هه‌ر له‌زه‌مینی خۆیدا بوو... وه‌كاكی جوتیار ده‌ربه‌ده‌ر بوو ئه‌و پاره‌یه‌ی پێ‌ی بوو سه‌رفی كرد و به‌فه‌قیری و داماوی عه‌وداڵی به‌خته‌وه‌ری‌یه‌كه بوو كه قه‌ت قه‌ت نایاته ده‌سته‌وه...
مه‌به‌ستم له‌وه‌یه هه‌ر یه‌كێك له ئێمه به‌خته‌وه‌ری له‌ناوو دل وده‌روونیایه‌تی له‌م لاو ئه‌ولا بۆی نه‌گه‌ڕێ. به‌خته‌وه‌ری ئینسان له ناو ده‌روونه، به‌پێی ئه‌و ئیمانه‌ی هه‌یه‌تی به‌خته‌وه‌ری زیادو كه‌م ئه‌كات. په‌روه‌ردگار ئه‌فه‌رموێ: ((وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى) (سورة طه آية 124) بۆ به‌خته‌وه‌ر نه‌بم كه یه‌ك په‌روه‌ردگارم هه‌یه كه‌ون و كائیناتی له‌ژێر ده‌ستایه! به‌خته‌وه‌رم چونكه له ئوممه‌تێكم په‌روه‌ردگار مه‌دحمان ده‌كات و ده‌فه‌رموێ: كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ) (سورة آل عمران آية 110). به‌خته‌وه‌رم له‌به‌ر ئه‌وه‌ی له‌م ئوممه‌ته‌م كه پێغه‌مبه‌ر (صلى الله علیه و سلم) ئه‌فه‌رموێ: (((المؤمن للمؤمن كالبنيان يشد بعضه بعضا))). پێغه‌مبه‌رمان (صلى الله علیه و سلم) ئه‌فه‌رموێ: (( هه‌ر كه‌سێك له‌ش ساغ بێ و نانی ئه‌و ڕۆژه‌ی هه‌بێ و شوێنه‌كه‌ی كه لێی ئه‌ژێت ئه‌من و ئاسایش بێت وه‌كو ئه‌وه وایه هه‌موو دونیا هی ئه‌وو بیت)).
هیوادارم ڕێگای ئیمان بگرینه به‌ر بۆ ئه‌وه‌ی بچینه به‌ر ده‌رگای به‌خته‌وه‌ری ئینجا بچینه ناو ژیانی تاقی بوونه‌وه كه دونیایه. به‌هیوای ده‌رچوون به سه‌لامه‌تی و سه‌ربه‌رزی به‌ئیزنی په‌روه‌ردگار...
والسلام علیكم و رحمه الله و بر كاته
http://www.lexilogos.com/keyboard/sorani.htm
