بابه‌ت: خوێنی دوو چاوم
خوێنی دوو چاوم به نه‌وعێ دامه‌نم ره‌نگین ئه‌کا
ئه‌ر که‌س ئه‌م بینێ به حاڵی نا ته‌وانم شین ئه‌کا
شێخی ئیرشاد و مورید و سالیك و سوفی و فه‌قێ
ئه‌و ! به‌یه‌ك نواڕین به جاری کافر و بێ دین ئه‌کا
هیچ خه‌نه پێویست نیه بۆ ده‌ست و په‌نجه‌ی دولبه‌رم
وا به خوێنی من خه‌ریکه ده‌ست و پی نه‌خشین ئه‌کا
قه‌ت له لێوی شه‌ککه‌ر ئه‌فشانی قسه‌ی خۆشم نه‌بیست
دایما بێ دینه مه‌شغوڵه دڵم غه‌مگین ئه‌کا
وا له‌هیجری قامه‌تی سه‌روی نیگاری نازه‌نین
ئه‌م دڵه‌م قومری سیفه‌ت هه‌ر گریه و ناڵین ئه‌کا
گه‌ر بلێ ی (ئه‌حمه‌د) له یاری بۆسه‌یێ داوا بکا؟
ڕوو ئه‌چه‌رخێنێ له تۆو گوێی له‌و قسه سه‌نگین ئه‌کا
ئه‌حمه‌د موختار جاف
