گولم سلاو
بۆ هه‌موو ئه‌و دیمه‌نانه‌ی دینه‌ سه‌ر ڕێت
بۆ ئه‌و شه‌قامه‌ ناسكه‌ی
یه‌كه‌م جاره‌ له‌گه‌لتا دێت
ئه‌پارێمه‌وه‌ له‌ئاسمان
فڕۆكه‌كه‌ت توند توند بگرێته‌ باوه‌شی
به‌ ئومێدم ئه‌و ئێواره‌ی كه‌ تۆ ئه‌ڕۆی
خۆش بێ كه‌شی
دڵنیاشم هه‌ر چیه‌كت بۆ بنوسم
ناگاته‌وه‌ به‌چرپه‌یه‌ك
بێتو خۆی بدات به‌ گوێتا
وه‌ك باڵی په‌ڕه‌ سێلكه‌یه‌ك

بڕوام نه‌بوو ڕۆژێ دادێ
پێویستیم ئه‌بێ به‌ نامه‌
بۆ ئه‌و كچه‌ی هێنده‌ی به‌هار
بیره‌وه‌ ری سه‌وزی لامه
هه‌فته‌ی پێشوو سلێمانی
چه‌ند شارێكی خان و مان بوو
شۆسته‌كانی له‌به‌ر چاوم چه‌نێ جوان بوو
هه‌ر ئه‌و شاره‌ ئێستا ئه‌لێی پایز هه‌لیوه‌راندووه‌
وا هه‌ست ئه‌كه‌م بروسكه‌یه‌ك
بالای گشت داره‌كانی سووتاندووه‌
له‌بیرم دێ كه‌منال بووم
جارێك مامۆستا پێی ووتین
سه‌رچاوه‌ی هه‌موو ڕه‌نگه‌كان