بابه‌ت: داگیرساندنی به‌رده‌وامی ته‌له‌فزیۆن گه‌شه‌ی منداڵ دوا ده‌خات
توێژه‌ران ئاشكرایانكرد، داگیرساندنی ته‌له‌فزیۆن به به‌رده‌وامی زیان به گه‌شه‌ی كه‌سایه‌تی و هۆشی منداڵ ده‌گه‌یه‌نێت.
به گوێره‌ی لێكۆڵینه‌وه‌یه‌ك كه له‌و باره‌وه ئه‌نجامدراوه، روون بووه‌ته‌وه، كه ئه‌گه‌ر ته‌له‌فزیون به به‌رده‌وامی داگیرسا بێت؛ ئه‌وا ئه‌ندامانی خێزان كه‌متر پێكه‌وه قسه ده‌كه‌ن، ته‌نانه‌ت ئه‌گه‌ر كه‌سیش سه‌یری ته‌له‌فزیۆن نه‌كات و به‌و جۆره ره‌نگه په‌یوه‌ندییه كۆمه‌ڵایه‌تییه‌كانیش لاواز تر بن.
له درێژه‌ی لێكۆڵینه‌وه‌كه‌دا، هاتووه، كه ته‌له‌فزیۆن نارِاسته‌وخۆ بیر و زه‌ینی مرڤی به‌ته‌مه‌ن ئاڵۆز ده‌كات.
له رابردووشدا ژماره‌یه‌ك لێكۆڵه‌ر ئه‌وه‌یان ئاشكرا كردبوو، ته‌ماشا كردنی ته‌له‌فزیۆن، توانای قسه كردنی منداڵ دوا ده‌خات و راده‌ی یاری كردن و چالاكییه‌كانی هۆشه‌كی منداڵان كه‌م ده‌كاته‌وه.
payamner
