[size=24]لیپی : پێرلۆ وه‌کو یاریزانی سه‌ره‌کی یاری ناکات
- ڕاهێنه‌ری هه‌ڵبژارده‌ی ئیتاڵیا مارچیلۆ لیپی دانی به‌وه‌دانا که‌ ئه‌ستێره‌ی هێلی ناوه‌ڕاستی هه‌ڵبژارده‌که‌ی ئه‌ندریه‌ پیرلۆ هێشتا به‌ ته‌واوی چاک نه‌بۆته‌وه‌ و ناتوانێت وه‌کو یاریزانی سه‌ره‌کی به‌شداری له‌ یاریه‌ چاره‌نووس سازه‌که‌ی هه‌ڵبژارده‌که‌ به‌رمبه‌ر سلۆڤاکیا بکات.  پیرلۆ له‌ هیچ کامێک له‌ دوو یاری یه‌که‌می هه‌ڵبژارده‌که‌ به‌هۆی پێکان یاری نه‌کردوو و له‌وانه‌یه‌ به‌رامبه‌ر سلۆڤاکیا له‌ نیوه‌ی دووه‌م بگه‌رێته‌وه‌.

مارچیلۆ لیپی له‌و باره‌یه‌وه‌ وتی : پیرلۆ ناتوانێت له‌ سه‌ره‌تاوه‌ یاری بکات به‌ڵام له‌ نیوه‌ی دووه‌م به‌شداری ده‌کات.

سه‌باره‌ت به‌ یاریه‌که‌شیان به‌رامبه‌ر سلۆڤاکیا وتی : چاوه‌ڕوانده‌که‌ین ئه‌وان به‌و شێوه‌یه‌ یاری بکه‌ن که‌ له‌ دوو یاری ڕابردوو ئه‌نجامیان داوه‌ ، ئه‌وان هێرشبه‌ری به‌هێز و خێرایان هه‌یه‌ که‌ شوێنه‌کانیان ده‌گۆڕن ئه‌وه‌مان له‌ یاریه‌کانی پێشوو بینی ، باوه‌ڕناکه‌م ڕێگایه‌کی تازه‌ به‌کاربهێنن به‌رامبه‌ر ئێمه‌  پێویستیان به‌ بردنه‌یه‌ به‌رامبه‌ر ئێمه‌ گه‌ر بیانه‌وێت بگه‌نه‌ قۆناغی داهاتوو ، ده‌بێت ئێمه‌ش باشتر یاری بکه‌ین به‌ به‌راورد له‌گه‌ڵ یاریه‌کانی ترمان و ده‌بێت بتوانین هێلی به‌رگری تیپی به‌رامبه‌ر ببڕین و هێلی هێرشبه‌ر و به‌رگریمان له‌م یاریه‌ باشتر ده‌بێت.[/size]
yariga