شه‌ یدا نووسی:

22

تا ئه‌به‌د مه‌هدی ئاسا قه‌سیده‌ی لیسا بڵێوه‌ .

نازانم ئه‌گه‌ر ئاشنا بیت به‌و به‌و قه‌سیده‌یه‌ به‌س دوای په‌یامه‌که‌ ئێستا به‌شێک له‌م قه‌سیده‌یه‌ داده‌نێم .. ده‌ست خۆش برا جوان نوسه‌که‌م ....

لیسا هاوڕێی نزیکی شینایی ئاسمانه‌و له‌گه‌ڕه‌کی گوڵه‌ زه‌نبه‌ق داده‌نیشێ ،
ماڵه‌که‌ی له‌ ته‌نیشت ئێوارانی که‌مته‌رخه‌می منه‌وه‌یه‌ .. نزیک ڕۆشنایی ئاو ده‌که‌وێته‌ قه‌راغ تینوێتی
له‌ شه‌قامی سه‌وسه‌نی میهره‌بانییه‌وه‌ گه‌لێک دووره‌ هه‌رگیز پێی ناگه‌یت
ده‌که‌وێته‌ ئه‌وسه‌ری ئاینده‌ی منه‌وه‌ .
به‌رانبه‌ر ئه‌و کۆڵانه‌ی دووره‌ په‌رێزی ته‌نیایی من که‌ ته‌نها ( با) پیاسه‌ی تێدا ده‌کات
ئاو متمانه‌ی به‌ڕۆیشتن نه‌ماوه‌ ، ژیان له‌و به‌رده‌مه‌وه‌ ڕه‌ت نابێت پێی ده‌ڵێن : -
کۆڵانی ته‌نیایی ژماره‌ -١٩٧١- .. دوکانێک هه‌یه‌ ئاسووده‌یی به‌قاچاغی ده‌فرۆشێت
پارکێک هه‌یه‌ جوانی به‌نرخێکی گونجاو ده‌گۆڕێته‌وه‌ به‌خۆشه‌ویستییه‌کی ڕووکه‌ش
نازانم ئه‌و پارکه‌ له‌ کوێ دائه‌نیشێ .. هه‌موو جارێک ژنێک ده‌رگای ئێوارانم لێ داده‌خات
نازانم شه‌و له‌چ تاریکاییه‌کدا ده‌به‌مه‌ سه‌ر ...
مه‌هدی سالح